മൈസൂരില്‍ ബൈക്കപകടം: മലയാളി വിദ്യാര്‍ഥി മരിച്ചു

മൈസൂര്‍: മൈസൂരില്‍ മാണ്ഡ്യക്കടുത്ത് ബൈക്ക് അപകടത്തില്‍ മലയാളി വിദ്യാര്‍ഥി മരിച്ചു. വടകര കല്ലാച്ചി പീടിക മീട്ടല്‍ മൊയ്തുവിന്‍െറ മകന്‍ മൊഹിയുദ്ദീന്‍ അനസ് (21) ആണ് മരിച്ചത്. സഹയാത്രികനായ കൊണ്ടോട്ടി സ്വദേശി ആരിഫിന്‍െറ നില ഗുരുതരമാണ്. ബൈക്ക് ഡിവൈഡറില്‍ ഇടിച്ചു മറിഞ്ഞാണ് അപകടം.

രാമനഗര കൗസിയ എന്‍ജിനിയറിങ് കൊളേജിലെ മൂന്നാം വര്‍ഷ മെക്കാനിക്കല്‍ എന്‍ജിനിയറിങ് വിദ്യാര്‍ഥികളാണ് ഇരുവരും.