രാജ്യ സ്നേഹിയാകുവാന്‍ മകളെ വെടിവെച്ചു കൊല്ലണമെന്ന് ഡി.രാജയോട് ബി.ജെ.പി നേതാവ്

ന്യൂഡല്‍ഹി: രാജ്യ സ്നേഹിയാണെന്നു തെളിയിക്കാന്‍ മകളെ വെടിവെച്ചു കൊല്ലണമെന്ന് സി.പി.ഐ നേതാവ് ഡി.രാജയോട് ബി.ജെ.പി നേതാവ് എച്ച്. രാജ. എന്‍െറ കുട്ടിയാണ് ഇത്തരത്തിലുള്ള രാജ്യവിരുദ്ധ പ്രതിഷേധം നടത്തുന്നതെങ്കില്‍ ഞാന്‍ അവരെ കൊല്ലുമായിരുന്നു.

കമ്യൂണിസ്റ്റുകള്‍ രാജ്യ സ്നേഹികളാണെങ്കില്‍ രാജ്യ വിരുദ്ധമായ സംഭവത്തെ അവര്‍ പിന്തുണക്കുമായിരുന്നോ, രാഹുല്‍ ഗാന്ധിയും, ഡി.രാജയും, സീതാറാം യെച്ചൂരിയും ജെ.എന്‍.യു വിഷയത്തെ പിന്തുണച്ചതോടെ അവരും രാജ്യ ദ്രോഹികാളായി മാറിയെന്ന് രാജ വാര്‍ത്താ സമ്മേളനത്തില്‍ പറഞ്ഞു.

ഇസ്ലാമിക് സ്റ്റേറ്റിന്‍െറയും നക്സലൈറ്റുകളുടെയും കേന്ദ്രങ്ങളായി ജെ.എന്‍.യു മാറിയെന്നും തമിഴ്നാട് മന്ത്രി സഭയിലെ മുന്‍ അംഗവും കൂടിയായ എച്ച.് രാജ ആരോപിച്ചു. വിദ്വേഷ പ്രസംഗത്തിന്‍െറ പേരില്‍ 2014ല്‍ രാജക്കെതിരെ പൊലീസ് കേസെടുത്തിരുന്നു.