ഗുർദാസ്പുരിൽ വീണ്ടും ജാഗ്രതാ നിർദേശം

ചണ്ഡിഗഢ്: ഭീകരാക്രമണം നടന്ന പത്താൻകോട്ടിനടുത്തുള്ള ഗുർദാസ്പൂരിൽ ജാഗ്രതാ നിർദേശം. ആക്രമണം നടന്ന് ഒരാഴ്ചക്ക് ശേഷം പത്താൻകോട്ട് വ്യോമതാവളത്തിൽ പ്രധാനമന്ത്രി സന്ദർശനം നടത്തുന്നതിനിടെയാണ് ജാഗ്രതാനിർദേശം നൽകിയിരിക്കുന്നത്.

ഇന്ത്യൻ പാക് അതിർത്തിയിലുള്ള ടിബ്രി മേഖലയിൽ ഭീകരരെ കണ്ടതായി പ്രദേശവാസി അറിയിച്ചിരുന്നു. ഭക്ഷണം പാകം ചെയ്യുന്നതിനിടെ രണ്ട് ഭീകരർ ഭീഷണിപ്പെടുത്തിയെന്നാണ് ഇയാളുടെ മൊഴി. തുടർന്ന് പൊലീസ് നായയുടെ സഹായത്തോടെ അതിർത്തി രക്ഷാസേന പ്രദേശത്ത് തിരച്ചിൽ നടത്തിയിരുന്നു. ഇപ്പോൾ ടിബ്രി കന്‍റോൺമെന്‍റ് ഏരിയയിൽ ആയരത്തോളം സുരക്ഷാ സൈനികരെയയും പൊലീസുകരെയുമാണ് സുരക്ഷക്കായി നിയോഗിച്ചിരിക്കുന്നത്.