പ്രായപൂർത്തിയാകാത്ത പെൺകുട്ടിയെ പീഡിപ്പിച്ച ചിൽഡ്രൻസ്​ ഹോം ചുമതലക്കാരൻ അറസ്​റ്റിൽ

ന്യൂഡൽഹി: ഡൽഹിയിലെ സർക്കാർ ചിൽഡ്രൻസ് ഹോമിൽ പത്തു വയസിൽ താഴെയുള്ള ആറ്പെൺകുട്ടികളെ പീഡിപ്പിച്ച ഹോം നടത്തിപ്പുകാരൻ ആർ.എസ് മീണ അറസ്റ്റിൽ. ഇയാൾ കുട്ടികളെ ൈലംഗികമായിപീഡിപ്പിക്കുകയും ദൃശ്യം വിഡിയോയിൽ ചിത്രീകരിക്കുകയും ചെയ്തു എന്ന് സീനിയർ പൊലീസ് ഒാഫീസർ സതീഷ്കെയ്ൻ പറഞ്ഞു. കുട്ടികളുടെയും ജീവനക്കാരുടെയും പരാതിയുടെ അടിസ്ഥാനത്തിലാണ് മീണയെ അറസ്റ്റു ചെയ്തതെന്ന് പൊലീസ്അറിയിച്ചു.

കുട്ടികള്‍ പീഡനത്തിനിരയായതായി വൈദ്യപരിശോധനയില്‍ തെളിഞ്ഞിട്ടുണ്ടെന്നും അവര്‍വ്യക്തമാക്കി.സംഭവം പുറത്ത് പറഞ്ഞാൽ ചിൽഡ്രൻസ് ഹോമിൽ നിന്ന് പുറത്താക്കുമെന്ന് ഇയാൾ കുട്ടികളെ ഭീഷണിപ്പെടുത്തിയിരുന്നതായും പൊലീസ് പറഞ്ഞു. സംഭവത്തിൽ അന്വേഷണം ഉൗർജിതമാക്കി.മനുഷ്യക്കടത്തുകാരിൽ നിന്നും ഭിക്ഷാടന മാഫിയകളില്‍നിന്നും ബാലവേലയില്‍നിന്നും മോചിപ്പിക്കുന്ന കുട്ടികളെയാണ് ഇവിടെ സംരക്ഷിക്കുന്നത്. ആറു വയസ്സിനും പത്തുവയസ്സിനുമിടയില്‍ പ്രായമുള്ള അന്‍പതിലധികം കുട്ടികളാണ് ഇവിടെയുള്ളത്.