ഗോവയിലെ റെയില്‍വെ സ്റ്റേഷനില്‍ ഇനി തത്സമയ മ്യൂസിക്കും

പനാജി: ഗോവയിലെ റെയില്‍വെ സറ്റേഷന്‍ യാത്രക്കാര്‍ക്ക് ഇനി തത്സമയ സംഗീതം ആസ്വദിക്കാം. സൗത് ഗോവയിലെ മഡ്ഗോണ്‍ സ്റ്റേഷനിലാണ് യാത്രക്കാരനെ സ്വീകരിക്കാനും സന്തോഷിപ്പിക്കാനുമായി തത്സമയ സംഗീതവും സംവിധാനം ഏര്‍പ്പെടുത്തിയിരിക്കുന്നത്. യാത്രക്കാര്‍ക്ക് പുതിയ അനുഭവം നല്‍കാന്‍ വേണ്ടിയാണ് പ്രത്യേക സംരംഭത്തിന് ഇവിടെ തുടക്കം കുറിച്ചിരിക്കുന്നത്.

ലൈവ് ബാന്‍റ് അംഗങ്ങളുടെയും കൊങ്കണ്‍ റെയില്‍വെ ജീവനക്കാരുടെയും സഹകരണത്തോടെ മാര്‍ച്ച് 13ന് ആദ്യ സംഗീത പരിപാടി ഇവിടെ അരങ്ങേറി. വ്യത്യസ്ത സംഗീത ഉപകരണങ്ങള്‍ ഉള്‍ക്കൊള്ളിച്ചു നടത്തുന്ന പരിപാടിയുടെ സംഗീത ബാന്‍റിന് ‘അരോഹി’ എന്നാണ് പേരിട്ടിരിക്കുന്നത്.