ബാങ്കുകളെ കബളിപ്പിച്ച് ആരെയും രക്ഷപ്പെടാന്‍ അനുവദിക്കില്ലെന്ന് മോദി

രംഗപാര: ബാങ്കുകളെ കബളിപ്പിച്ച് രക്ഷപ്പെടാന്‍ ആരെയും അനുവദിക്കില്ലെന്ന് പ്രധാനമന്ത്രി നരേന്ദ്രമോദി. സമ്പന്നരെ രക്ഷപ്പെടാന്‍ കോണ്‍ഗ്രസ് സര്‍ക്കാറാണ് അനുവദിച്ചതെന്നും മോദി പറഞ്ഞു.  അസാമില്‍ ബി.ജെ.പി സംഘടിപ്പിച്ച റാലിയിലാണ് മോദി കോണ്‍ഗ്രസിനെതിരെ ആഞ്ഞടിച്ചത്. സമ്പത്തിക തട്ടിപ്പു കേസില്‍ നിന്ന് ഇന്ത്യയില്‍ നിന്നും വിജയ് മല്യ രക്ഷപ്പെട്ടതിന്‍െറ പേരില്‍ ബി.ജെ.പി സര്‍ക്കാര്‍ പ്രതിക്കൂട്ടിലായ സന്ദര്‍ഭത്തില്‍ കൂടിയാണ് മോദിയുടെ പ്രസ്താവന.ആദ്യമായാണ് ഈ വിഷയത്തില്‍ മോദി പ്രതികരിക്കുന്നത്.

 ‘സമ്പന്നര്‍ എങ്ങനെയാണ് പൊതു പണം അപഹരിക്കുന്നതെന്ന് നിങ്ങള്‍ക്കറിയുമോ, ഞങ്ങളുടെ സര്‍ക്കാര്‍ ബാങ്കുകളെ കബളിപ്പിച്ചവരെ കുരുക്കിയിട്ടുണ്ട്. ജയിലില്‍ പോകേണ്ടിവരുമെന്ന ഭയത്താല്‍ അവര്‍ ഒളിച്ചോടുകയാണ്. അതിനാല്‍ ഒരാളും രക്ഷപ്പെടില്ല’. -മോദി പറഞ്ഞു. നിലവില്‍ കോണ്‍ഗ്രസ് ഭരിക്കുന്ന അസമില്‍ ഏപ്രിലില്‍ അസംബ്ലി തെരഞ്ഞെടുപ്പ് നടക്കുകയാണ്.