ഹിമാചല്‍ പ്രദേശില്‍ വാന്‍ കൊക്കയിലേക്ക് മറിഞ്ഞ് 13 മരണം

ഷിംല: ഹിമാചല്‍ പ്രദേശില്‍ വാന്‍ കൊക്കയിലേക്ക് മറിഞ്ഞ് 13 മരണം. ഹിമാചല്‍ പ്രദേശിലെ കിന്നൗര്‍ ജില്ലയിലാണ് സംഭവം. കല്യാണത്തിനു പോയി തിരിച്ച് വരുന്ന സമയം യാത്രക്കാര്‍ സഞ്ചരിച്ചിരുന്ന വാഹനം കൊക്കയിലേക്ക് മറിയുകയായിരുന്നു. ബഡ കാംബ ഗ്രാമത്തിലാണ് മരിച്ചവരില്‍ ഏറെ പേരും.12 പേര്‍ സംഭവ സ്ഥലത്ത് നിന്ന് തന്നെ മരിച്ചു. ഡ്രൈവര്‍ മദ്യപിച്ചിരുന്നതായാണ് പൊലീസ് സംശയിക്കുന്നത്. ഇന്ത്യന്‍ പീനല്‍ കോഡ് 279 A പ്രകാരം 304 വകുപ്പ് ചേര്‍ത്ത് പൊലീസ് ഡ്രൈവര്‍ക്കെതിരെ കേസെടുത്തിട്ടുണ്ട്. മരിച്ചവര്‍ക്ക് 10,000 രൂപയും പരിക്ക് പറ്റിയവര്‍ക്ക് 5,000 രൂപയും നല്‍കുമെന്ന് ജില്ലാ ഭരണകൂടം അറിയിച്ചു.