പോകിമോൻ ഗോ മതവികാരം വ്രണപ്പെടുത്തുന്നുവെന്ന്

അഹമദാബാദ്​: പോകിമോൻ ഗോ ഗെയിം മത വികാരം വ്രണപ്പെടുത്തുന്നു എന്നാരോപിച്ച്​ ഗുജറാത്ത്​ ഹൈ​േകാടതിയിൽ പൊതു താൽപര്യ ഹരജി. ഗെയിം നിരോധിക്കണമെന്നാവശ്യപ്പെട്ട്​ അലയ്​ അനിൽ ദേവ്​ എന്നയാൾ നൽകിയ ഹരജിയിൽ കേന്ദ്ര , സംസ്​ഥാന സർക്കാറുകൾക്കും  ഗെയിം വികസിപ്പിച്ച സാൻഫ്രാൻസിസ്​കോയിലെ കമ്പനിക്കും ഹൈകോടതി നോട്ടീസ്​ അയച്ചു.  

പോകിമോൻ ഗോ ഒരു റിയാലിറ്റി ഗെയിമാണ്​. ഗെയിമിൽ ആരാധനാലയങ്ങൾക്കുള്ളിൽ മുട്ടയുടെ ചിത്രങ്ങളുണ്ട്. ഹിന്ദു മതക്കാർക്കും ജൈന മതക്കാർക്കും മാംസാഹാരം ക്ഷേത്രങ്ങളിൽ കയറ്റാൻ പാടില്ല. ഇത്​ ആ സമുദായങ്ങളുടെ മത വിശ്വാസങ്ങളെ വ്രണപ്പെടുത്തും. ഗെയിമിൽ ഏർപ്പെട്ടയാൾ പോയൻറ്​ നേടാനായി ക്ഷേത്രങ്ങളിലേക്ക്​​ കയറുന്നത്​ വിശ്വാസങ്ങൾക്ക്​ എതിരാണെന്നും ഹരജിയിൽ പറയുന്നു.

ആർ. സുബാഷ റെഢിയും വിപുൽ പഞ്ചോളിയും അടങ്ങുന്ന ഡിവിഷൻ ​െബഞ്ച്​  അടുത്ത ചൊവ്വാഴ്​ച്ച കേസിൽ വാദം കേൾക്കും. ചുരുങ്ങിയ കാലം ​കൊണ്ട്​ ​പ്രചാരം നേടിയ  പോകിമോൻ ഗോ ഗെയിം പല രാജ്യങ്ങളും നിരോധിച്ചിട്ടുണ്ട്​. പതിവ്​ മൊബൈൽ ഗെയിമിൽ നിന്ന്​ വ്യത്യസ്​തമായി യാഥാർഥ്യ പ്രതീതി സൃഷ്​ടിക്കുന്നതാണ്​ ഇൗ ഗെയിമി​െൻറ പ്രത്യേകത. മൊബൈലുമായി ചലിച്ച്​ കൊണ്ട്​ കളിക്കുന്ന  ഇൗ ഗെയിം നിരവധി പേരുടെ മരണത്തിന്​ കാരണമായിട്ടുണ്ട്​.