ഉത്തരാഘണ്ഡിൽ മരണം ആറായി; 60 പേ​ർ​ക്ക് പ​രി​ക്ക്

ഡെ​​റാ​​ഡൂ​​ൺ/​ന്യൂ​ഡ​ൽ​ഹി: സ​​ർ​​ക്കാ​​ർ ഭൂ​​മി കൈ​​യേ​​റി നി​​ർ​​മി​​ച്ച​​തെ​​ന്നാ​​രോ​​പി​​ച്ച് മു​​നി​​സി​​പ്പാ​ലി​റ്റി അ​ധി​കൃ​ത​ർ മ​​ദ്റ​​സ കെ​​ട്ടി​​ടം ത​​ക​​ർ​​ത്ത​​തി​​നെ തു​​ട​​ർ​​ന്ന് ഉ​​ത്ത​​രാ​​ഖ​​ണ്ഡി​​ലെ ഹ​​ൽ​​ദ്വാ​​നി​​യി​​ലു​ണ്ടാ​യ സം​​ഘ​​ർ​​ഷത്തിനിടെ പൊ​ലീ​സ് വെ​ടി​വെ​പ്പി​ൽ ആ​റു​പേ​ർ കൊ​ല്ല​പ്പെ​ട്ടു. 60 പേ​ർ​ക്ക് പ​രി​ക്കേ​റ്റു. മൂന്നുപേരുടെ നില ഗുരുതരമാണ്. സ്കൂ​ളു​ക​ൾ​ക്ക് അ​വ​ധി പ്ര​ഖ്യാ​പി​ച്ചു. ബ​​ൻ​​ഭു​​ൽ​​പു​​ര​യി​ൽ ന​​മ​​സ്കാ​​ര​​ം നിർവഹിച്ചിരുന്ന മ​ദ്റസ വ്യാ​ഴാ​ഴ്ച വൈ​കു​ന്നേ​രം 3.30ഓ​ടെ​യാ​ണ് ബു​ൾ​ഡോ​സ​ർ ഉ​പ​യോ​ഗി​ച്ച് പൊ​ളി​ച്ച​ത്. ഉ​ത്ത​ര​വ് കാ​ണി​ക്കാ​നോ ത​ങ്ങ​ൾ പ​റ​യു​ന്ന​ത് കേ​ൾ​ക്കാ​നോ ത​യാ​റാ​കാ​തെ​യാ​ണ് ആ​രാ​ധ​ന​കേ​ന്ദ്രം ത​ക​ർ​ത്ത​തെ​ന്ന് നാ​ട്ടു​കാ​ർ പ​റ​ഞ്ഞു.

പു​രു​ഷ പൊ​ലീ​സ് ഉ​ദ്യോ​ഗ​സ്ഥ​ർ വ​നി​ത​ക​ളെ ലാ​ത്തി​കൊ​ണ്ട് അ​ടി​ച്ചെ​ന്ന് ദൃ​ക്സാ​ക്ഷി പ​റ​ഞ്ഞു. മ​ദ്റസ ത​ക​ർ​ക്കു​ന്ന​തി​നു മു​മ്പ് ഇവിടെനി​ന്ന് മ​ത​ഗ്ര​ന്ഥ​ങ്ങ​ൾ എ​ടു​ക്കാ​ൻ ര​ണ്ടു​പേ​രെ​യാ​ണ് ഉ​ദ്യോ​ഗ​സ്ഥ​ർ അ​നു​വ​ദി​ച്ച​ത്. ഇ​തി​നി​ടെ പൊ​ളി​ച്ചു​മാ​റ്റാ​നു​ള്ള ഉ​ത്ത​ര​വ് കാ​ണി​ക്ക​ണ​മെ​ന്ന് നാ​ട്ടു​കാ​ർ നി​ര​വ​ധി ത​വ​ണ ആ​വ​ശ്യ​പ്പെ​ട്ടു​വെ​ങ്കി​ലും ഉ​ദ്യോ​ഗ​സ്ഥ​ർ ന​ട​പ​ടി​യു​മാ​യി മു​ന്നോ​ട്ടു​പോ​യി. ഇ​തോ​ടെ​യാ​ണ് സം​ഘ​ർ​ഷ​മു​ണ്ടാ​യ​ത്.

രാ​ത്രി വീ​ടി​നു​ള്ളി​ൽ ക​ഴി​യു​മ്പോ​ഴും പൊ​ലീ​സ് വാ​തി​ലി​ന് വെ​ടി​വെ​ച്ചു​വെ​ന്നും ഭ​യ​ത്തോ​ടെ​യാ​ണ് ക​ഴി​യു​ന്ന​തെ​ന്നും ഇ​ത് അ​വ​സാ​നി​പ്പി​ക്ക​ണ​മെ​ന്നും ദൃ​ക്സാ​ക്ഷി പ​റ​ഞ്ഞു. സം​ഘ​ർ​ഷ​ത്തെ തു​ട​ർ​ന്ന് പ്ര​ദേ​ശ​ത്ത് സു​ര​ക്ഷ ശ​ക്ത​മാ​ക്കി. ആ​ക്ര​മി​ക​ളെ ക​ണ്ടാ​ലു​ട​ൻ വെ​ടി​വെ​ക്കാ​ൻ നൈ​നി​ത്താ​ൾ ജി​ല്ല മ​ജി​സ്ട്രേ​റ്റ് ഉ​ത്ത​ര​വി​ട്ടു. ബ​ൻ​ഭൂ​ൽ​പു​ര​യി​ൽ ക​ർ​ഫ്യു ഏ​ർ​പ്പെ​ടു​ത്തി. ക​ല്ലേ​റി​ൽ പൊ​ലീ​സ് ഉ​ദ്യോ​ഗ​സ്ഥ​ർ​ക്കും പ​രി​ക്കേ​റ്റി​രു​ന്നു. പൊ​ലീ​സ് സ്റ്റേ​ഷ​നും പൊ​ലീ​സു​കാ​രെ​യും ആ​ക്ര​മി​ച്ച​തി​ന് നാ​ലു പേ​രെ അ​റ​സ്റ്റ്ചെ​യ്തു. മൂ​ന്നു കേ​സു​ക​ളെ​ടു​ത്തു. അ​തേ​സ​മ​യം, തീ​യി​ടു​ക​യും പൊ​ലീ​സ് ഉ​ദ്യോ​ഗ​സ്ഥ​രെ ആ​ക്ര​മി​ക്കു​ക​യും ചെ​യ്യു​ന്ന​വ​ർ​ക്കെ​തി​രെ ദേ​ശ​സു​ര​ക്ഷ നി​യ​മ​പ്ര​കാ​രം കേ​സെ​ടു​ക്കു​മെ​ന്ന് ഡി.​ജി.​പി അ​ഭി​ന​വ്കു​മാ​ർ പ​റ​ഞ്ഞു. സ്ഥി​തി​ഗ​തി​ക​ൾ നി​യ​ന്ത്ര​ണ​വി​ധേ​യ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. മു​ഖ്യ​മ​ന്ത്രി പു​ഷ്‍ക​ർ സി​ങ് ധാ​മി ഉ​ന്ന​ത​ത​ല​യോ​ഗം വി​ളി​ച്ച് സ​മാ​ധാ​നം ഉ​റ​പ്പു വ​രു​ത്താ​നും ആ​ക്ര​മി​ക​ൾ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കാ​നും പൊ​ലീ​സ് ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി. മു​​സ്‍ലിം ഭൂ​​രി​​പ​​ക്ഷ പ്ര​​ദേ​​ശ​​മാ​​യ ഹ​ൽ​ദ്വാ​നി​യി​ൽ റെ​യി​ൽ​വേ വി​ക​സ​ന​ത്തി​ന് ഭൂ​മി ആ​വ​ശ്യ​മു​ണ്ടെ​ന്ന് പ​റ​ഞ്ഞ് 4000 കു​ടും​ബ​ങ്ങ​ൾ താ​മ​സി​ക്കു​ന്ന റെ​യി​ൽ​വേ കോ​ള​നി​ക്ക​ടു​ത്തു​ള്ള മ​ദ്റസ​യാ​ണ് പൊ​ളി​ച്ച​ത്.