60 ഇന്ത്യക്കാർ മ്യാന്മറിൽ കുടുങ്ങി 30 പേ​രെ ഇ​ന്ത്യ​ൻ എം​ബ​സി ര​ക്ഷ​പ്പെ​ടു​ത്തി

ന്യൂ​ഡ​ൽ​ഹി: ജോ​ലി വാ​ഗ്ദാ​നം ചെ​യ്ത് ത​ട്ടി​പ്പ് ന​ട​ത്തു​ന്ന അ​ന്താ​രാ​ഷ്ട്ര സം​ഘ​ത്തി​ന്റെ വ​ല​യി​ൽ​പ്പെ​ട്ട് മ്യാ​ന്മ​റി​ലെ മ്യാ​വ​ഡി​യി​ൽ കു​ടു​ങ്ങി​യ 60 ഇ​ന്ത്യ​ക്കാ​രി​ൽ 30 പേ​രെ എം​ബ​സി ര​ക്ഷ​പ്പെ​ടു​ത്തി. താ​യ്‍ല​ൻ​ഡി​ൽ ജോ​ലി വാ​ഗ്ദാ​നം ചെ​യ്താ​ണ് ത​ട്ടി​പ്പ് സം​ഘം ഇ​ന്ത്യ​ക്കാ​രെ എ​ത്തി​ച്ച​ത്. ഇ​വ​രെ താ​യ്‍ല​ൻ​ഡു​മാ​യി അ​തി​ർ​ത്തി പ​ങ്കി​ടു​ന്ന തെ​ക്കു​കി​ഴ​ക്ക​ൻ മ്യാ​ന്മ​റി​ലെ കെ​യി​ൻ സം​സ്ഥാ​ന​ത്തെ മ്യാ​വ​ഡി പ്ര​ദേ​ശ​ത്തേ​ക്കാ​ണ് നി​യ​മ​വി​രു​ദ്ധ​മാ​യി കൊ​ണ്ടു​വ​ന്ന​ത്. മ്യാ​വ​ഡി പ്ര​ദേ​ശം മ്യാ​ന്മ​ർ സ​ർ​ക്കാ​റി​ന്റെ പൂ​ർ​ണ നി​യ​ന്ത്ര​ണ​ത്തി​ല​ല്ല.

ചി​ല സാ​യു​ധ ഗോ​ത്ര​സം​ഘ​ങ്ങ​ളാ​ണ് ഇ​വി​ടെ മേ​ധാ​വി​ത്വം പു​ല​ർ​ത്തു​ന്ന​ത്. ഇ​വി​ടെ കു​ടു​ങ്ങി​യ മ​റ്റു​ള്ള ഇ​ന്ത്യ​ക്കാ​രെ​യും ര​ക്ഷ​പ്പെ​ടു​ത്താ​ൻ യാം​ഗോ​നി​ലെ ഇ​ന്ത്യ​ൻ എം​ബ​സി മ്യാ​ന്മ​ർ സ​ർ​ക്കാ​റു​മാ​യി ച​ർ​ച്ച ന​ട​ത്തി​വ​രു​ക​യാ​ണ്.താ​യ്‍ല​ൻ​ഡി​ലെ ഐ.​ടി ക​മ്പ​നി​ക​ളി​ൽ​ ജോ​ലി വാ​ഗ്ദാ​നം ചെ​യ്ത് ത​ട്ടി​പ്പ് ന​ട​ത്തു​ന്ന സം​ഘ​ങ്ങ​ൾ പ്ര​വ​ർ​ത്തി​ക്കു​ന്നു​ണ്ടെ​ന്ന് മ​ന​സ്സി​ലാ​ക്കി​യ​തി​ന്റെ അ​ടി​സ്ഥാ​ന​ത്തി​ൽ ജൂ​ൺ അ​ഞ്ചി​ന് ഇ​ന്ത്യ​ൻ എം​ബ​സി മു​ന്ന​റി​യി​പ്പ് ന​ൽ​കി​യി​രു​ന്നു. നി​ല​വി​ലെ സാ​ഹ​ച​ര്യ​ത്തി​ൽ റി​ക്രൂ​ട്ടി​ങ് ഏ​ജ​ൻ​സി​ക​ളെ കു​റി​ച്ച് കൃ​ത്യ​മാ​യി മ​ന​സ്സി​ലാ​ക്കി​യ​ശേ​ഷം മാ​ത്ര​മേ റി​ക്രൂ​ട്ടി​ങ്ങി​ന് പ​​ങ്കെ​ടു​ക്കാ​വൂ​വെ​ന്നും എം​ബ​സി വ്യ​ക്ത​മാ​ക്കി.