അമിത ലഹരിമരുന്ന്​ ഉപയോഗം; എ.എ.പി നേതാവി​െൻറ മകനടക്കം രണ്ടു യുവാക്കൾ മരിച്ച നിലയിൽ 

അമൃത്​സർ: ആം ആദ്​മി പാർട്ടി പ്രാദേശിക നേതാവി​​​െൻറ മകനടക്കം രണ്ടു യുവാക്കളെ വീടിനുള്ളിൽ മരിച്ച നിലയിൽ കണ്ടെത്തി. എ.എ.പി നഗരം യൂണിറ്റ്​ ജോ. സെക്രട്ടറി മോട്ടിലാൽ പാസിയുടെ മകൻ കരൺ പാസി(27), സുഹൃത്ത്​ ഹർപ്രീത്​ സിങ്(30)​ എന്നിവരെയാണ്​ മരിച്ച നിലയിൽ കണ്ടെത്തിയത്​. 

മൃതദേഹത്തിനു സമീപത്തു നിന്ന്​ ഏതാനും സിറിഞ്ചുകൾ പൊലീസ്​ കണ്ടെടുത്തിട്ടുണ്ട്​. അമിത ലഹരി മരുന്നുപ​േയാഗമാകാം മരണകാരണമെന്നാണ്​ പൊലീസ്​ സംശയിക്കുന്നത്​. വീട്ടിൽ നിന്ന്​ രൂക്ഷമായ ഗന്ധം പുറത്തു വന്നതിനെ തുടർന്ന്​ അയൽക്കാർ പൊലീസിൽ വിവരമറിയിക്കുകയായിരുന്നു. തുടർന്ന്​  വീട്​ പരിശോധിച്ചതിൽ നിന്നാണ്​ കിടക്കയിൽ ഇരുവരേയും മരിച്ച നിലയിൽ കണ്ടെത്തിയത്. 

മൃതദേഹത്തിന്​ 48 മണിക്കൂറോളം പഴക്കമുണ്ട്​. മരണത്തിനു പിന്നിൽ മറ്റു കാരണങ്ങളും ഉണ്ടാകാമെന്നും രാസപരിശോധനക്കു ശേഷമേ കൃത്യമായ മരണകാരണം അറിയാനാകൂ എന്ന്​ പൊലീസ്​ പറഞ്ഞു.