ആരുഷി തൽവാർ കേസ്​: അപ്പീൽ ഫയലിൽ സ്വീകരിച്ചു

ന്യൂഡൽഹി: ആരുഷി തൽവാർ കേസിൽ പ്രതികളായ മാതാപിതാക്കളെ വെറുതെ വിട്ട കോടതി ഉത്തരവിനെതിരെ സമർപ്പിച്ച രണ്ട്​ ഹരജികൾ സുപ്രീം കോടതി ഫയലിൽ സ്വീകരിച്ചു. ആരുഷിയുടെ മാതാപിതാക്കളായ നുപൂർ തൽവാറിനെയും രാജേഷ്​ തൽവാറിനെയും കഴിഞ്ഞ ഒക്​ടോബറിലാണ്​ അലഹാബാദ്​ ​ൈഹകോടതി കുറ്റവിമുക്​തരാക്കിയത്​. കേസ്​ അന്വേഷിച്ച സി.ബി.​െഎയും ആരുഷിയോടൊപ്പം കൊല്ലപ്പെട്ട ഹേംരാജി​​​െൻറ ഭാര്യ ഖുംകുല ബഞ്ചഡെയുമാണ്​​ സുപ്രീം കോടതിയിൽ അപ്പീൽ നൽകിയത്​. 

തൽവാർ ദമ്പതിമാർക്ക്​ ക്ലീൻ ചിറ്റ്​ നൽകിയ നടപടി ശരിയല്ലെന്നാണ്​ സി.ബി.​െഎയുടെ വാദം. 2008 മെയിൽ 14ാം പിറന്നാൾ ദിനത്തിലാണ്​ ആരുഷി കൊല്ലപ്പെടുന്നത്​. സംഭവം നടന്നയുടൻ വീട്ടു വേലക്കാരൻ ഹേംരാജിനെയായിരുന്നു സംശയിച്ചിരുന്നത്​. എന്നാൽ മണിക്കൂറുകൾക്ക്​ ശേഷം​ വീടി​​​െൻറ ടെറസിൽ നിന്ന്​ ഹേംരാജി​​​െൻറയും മൃതദേഹം ക​െണ്ടത്തി.

ആദ്യം കേസ്​ അന്വേഷിച്ചിരുന്ന ലോക്കൽ പൊലീസ്​ പിന്നീട്​ കേസ്​ സി.ബി.​െഎക്ക്​ കൈമാറി. കുറച്ച്​ കാലത്തെ അന്വേഷണത്തിനു ശേഷം ആരുഷിയും ഹേംരാജും ശരീരിക ബന്ധം പുലർത്തിയത്​ കണ്ട മാതാപിതാക്കളാണ്​ ഇരട്ടക്കെല നടത്തിയതെന്നും എന്നാൽ കുറ്റം ആരോപിക്കാനാവശ്യമായ തെളിവ്​ ലഭ്യമായില്ലെന്നും ചൂണ്ടിക്കാട്ടി സി.ബി.​െഎയും കേസ്​ അവസാനിപ്പിക്കാൻ കോടതിയോട്​ അനുവാദം തേടി. എന്നാൽ കേസ്​ അന്വേഷണം തുടരാനാണ്​ കോടതി ആവശ്യപ്പെട്ടത്​. 

സാഹചര്യത്തെളിവുകൾ ​െവച്ച്​ 2015ൽ വിചാരണ കോടതി തൽവാർ ദമ്പതിമാർക്ക്​​ ജീവപര്യന്തം ശിക്ഷ വിധിച്ചു. എന്നാൽ തൽവാർ കുറ്റം നിഷേധിക്കുകയും പ്രതിയെ കണ്ടെത്താൻ സാധിക്കാത്തതിനാൽ പൊലീസ്​ തന്നെ പ്രതിയാക്കിയെന്ന്​ ആരോപിക്കുകയും ചെയ്​തു. കഴിഞ്ഞ ഒക്​ടോബറിൽ അലഹാബാദ്​ ​ൈഹകോടതി തൽവാർ ദമ്പതികളെ കുറ്റ വിമുക്​തരാക്കി. സി.ബി.​െഎ അന്വേഷണത്തിൽ നിരവധി പഴുതുകളുണ്ടെന്നും പ്രതികൾ കുറ്റക്കാരാണെന്ന്​ സംശയാതീതമായി തെളിയിക്കാനായി​ട്ടില്ലെന്നും ചൂണ്ടിക്കാട്ടിയായിരുന്നു ഇവരെ വെറുതെ വിട്ടത്​.