അനിൽ അംബാനിയെ വഞ്ചകനെന്ന് മുദ്രകുത്തി ബാങ്ക് ഓഫ് ഇന്ത്യയും

ന്യൂ​ഡ​ൽ​ഹി: സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ​ക്ക് പി​ന്നാ​ലെ, റി​ല​യ​ൻ​സ് ക​മ്യൂ​ണി​ക്കേ​ഷ​ൻ​സി​നെ​യും മു​ൻ ഡ​യ​റ​ക്ട​ർ അ​നി​ൽ അം​ബാ​നി​യെ​യും വ​ഞ്ച​ക​രെ​ന്ന് മു​ദ്ര​കു​ത്തി ബാ​ങ്ക് ഓ​ഫ് ഇ​ന്ത്യ​യും. 2016ൽ ​ക​മ്പ​നി ന​ട​ത്തി​യ ഫ​ണ്ട് വ​ക​മാ​റ്റ​ൽ ചൂ​ണ്ടി​ക്കാ​ട്ടി​യാ​ണ് ന​ട​പ​ടി.

2016ൽ ​സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ റി​ല​യ​ൻ​സ് ക​മ്യൂ​ണി​ക്കേ​ഷ​ൻ​സി​ന് 700 കോ​ടി രൂ​പ വാ​യ്പ അ​നു​വ​ദി​ച്ചി​രു​ന്നു. മൂ​ല​ധ​ന​ത്തി​ലേ​ക്കും പ്ര​വ​ർ​ത്ത​ന ചെ​ല​വി​ലേ​ക്കും ബാ​ധ്യ​ത​ക​ൾ തീ​ർ​ക്കു​ന്ന​തി​ലേ​ക്കു​മാ​ണ് വാ​യ്പ അ​നു​വ​ദി​ച്ച​തെ​ങ്കി​ലും ഇ​തി​​ന്റെ പ​കു​തി ക​മ്പ​നി സ്ഥി​ര നി​ക്ഷേ​പ​മാ​ക്കി മാ​റ്റി.

ഇ​ത് ബാ​ങ്കു​മാ​യു​ള്ള ക​രാ​റി​ന് വി​രു​ദ്ധ​മാ​യി​രു​ന്നു. ഇ​ക്കാ​ര്യം ചൂ​ണ്ടി​ക്കാ​ട്ടി​യാ​ണ് സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ റി​ല​യ​ൻ​സ് ക​മ്യൂ​ണി​ക്കേ​ഷ​ൻ​സി​നെ​യും മു​ൻ ഡ​യ​റ​ക്ട​ർ​മാ​രാ​യ അ​നി​ൽ അം​ബാ​നി​യെ​യും മ​ഞ്ജ​രി അ​ശോ​ക് കാ​ക്ക​റി​നെ​യും വ​ഞ്ച​ക​രെ​ന്ന് മു​ദ്ര​കു​ത്തി ഈ​മാ​സം 22ന് ​ക​ത്ത​യ​ച്ച​ത്.

കഴിഞ്ഞ ദിവസം, അനിൽ അംബാനിയുമായും ബന്ധപ്പെട്ട സ്ഥലങ്ങളിൽ സി.ബി.ഐ പരിശോധന നടന്നിരുന്നു. രാജ്യത്തെ ഏറ്റവും വലിയ പൊതുമേഖല ബാങ്കായ എസ്.ബി.ഐക്ക് രണ്ടായിരം കോടി നഷ്ടമായെന്ന കേസിലാണ് പരിശോധന. അനിൽ അംബാനിയുടെ സ്ഥാപനങ്ങളിൽ നേരത്തെ ഇ.ഡിയും റെയ്ഡ് നടത്തിയിരുന്നു.

വിവിധ ധനകാര്യസ്ഥാപനങ്ങളിൽ അനിൽ അംബാനി നടത്തിയ 17,000 കോടിയുടെ തട്ടിപ്പുമായി ബന്ധപ്പെട്ടായിരുന്നു പരിശോധന. വിവിധ അന്വേഷണ, റെഗുലേറ്റിങ് ഏജൻസികളിൽ നിന്നും ലഭിച്ച വിവരത്തിന്റെ അടിസ്ഥാനത്തിലാണ് ഇ.ഡി പരിശോധന അന്ന് നടന്നത്.