യെച്ചൂരിക്ക് നേരെ ഹിന്ദുസേന പ്രവർത്തകരുടെ കൈയേറ്റം

ന്യൂഡൽഹി: പൊലീസിനെ നോക്കുകുത്തിയാക്കി സി.പി.എമ്മി​​​​െൻറ കേന്ദ്ര ആസ്ഥാനമായ എ.കെ.ജി ഭവനിൽ ജനറൽ സെക്രട്ടറി സീതാറാം യെച്ചൂരിക്ക്​ നേരെ ഹിന്ദുത്വവാദി പ്രവർത്തകരുടെ കൈയേറ്റ ശ്രമം. ബുധനാഴ്​ച വൈകീട്ട്​ 4.15നായിരുന്നു ഭാരതീയ ഹിന്ദു സേന പ്രവർത്തകരായ രണ്ടുപേർ കനത്ത പൊലീസ്​ വലയം ഭേദിച്ച്​ അതിക്രമിച്ച്​ കടന്നത്​. യെച്ചൂരിയെ ദേഹോപദ്രവം ചെയ്യാൻ കഴിഞ്ഞില്ലെങ്കിലും അദ്ദേഹത്തിന്​ തൊട്ടടുത്ത്​ എത്തി സി.പി.എം വിരുദ്ധ മുദ്രാവാക്യം വിളിച്ച ഹിന്ദു സേന പ്രവര്‍ത്തകരായ ഉപേന്ദ്ര കുമാര്‍, പവന്‍ കൗള്‍ എന്നിവരെ ഉടൻ തന്നെ  പാർട്ടി പ്രവർത്തകർ കീഴ്​​പ്പെടുത്തി പൊലീസിന്​ കൈമാറി. അറസ്​റ്റ്​ ചെയ്​ത ഇവരെ ഡൽഹി മന്ദിർമാർഗ്​ പൊലീസ്​ സ്​റ്റേഷനിലേക്ക്​ കൊണ്ടുപോയി. സംഘ്​പരിവാറി​​​​െൻറ ഗുണ്ടാ ആക്രമണങ്ങള്‍ക്കു മുന്നില്‍ മുട്ടുമടക്കില്ലെന്ന് യെച്ചൂരി  പ്രതികരിച്ചു. 

രണ്ടു ദിവസത്തെ പോളിറ്റ്​ബ്യൂറോ യോഗത്തി​നു ശേഷം വാർത്താസമ്മേളനം ആരംഭിക്കുന്നതിന്​ മിനിറ്റുകൾക്ക്​ മുമ്പാണ്​ അതിക്രമം നടന്നത്​.  ആർ.എസ്​.എസി​​​​െൻറ തടയൽ​ ഭീഷണി നേരിടുന്ന  മുഖ്യമന്ത്രി പിണറായി വിജയനും കേരള  സെക്രട്ടറി കോടിയേരി ബാലകൃഷ്​ണനും അടക്കം പ​െങ്കടുക്കുന്ന സാഹചര്യത്തിൽ കനത്ത​ സംരക്ഷണമാണ്​ എ.കെ.ജി ഭവന്​  മുമ്പിൽ രണ്ട്​  ദിവസമായി പൊലീസ്​ തീർത്തിരുന്നത്​. എന്നാൽ മാധ്യമപ്രവർത്തകർ എന്ന വ്യാജേന അക്രമികൾ കെട്ടിടത്തിനുള്ളിൽ പ്രവേശിക്കുകയായിരുന്നു.
 

#WATCH One of the 2 protesters who tried to manhandle Sitaram Yechury during his press conf. in Delhi, later beaten up;handed over to Police pic.twitter.com/NRUcrljB2W

— ANI (@ANI_news) June 7, 2017

നാലേകാൽ മണിയോടെ ഒന്നാമത്തെ നിലയിൽനിന്ന്​​ ഇറങ്ങിവന്ന യെച്ചൂരി ഇടനാഴിയിലൂടെ വാർത്താസമ്മേളന ഹാളിലേക്ക്​ പ്രവേശിക്കുന്നതിനിടെ അവിടെ നിന്ന രണ്ട്​ ഭാരതീയ സേനാ പ്രവർത്തകർ ‘സി.പി.എം മൂർദാബാദ്​’, ‘ഭാരതീയ സേന സിന്ദാബാദ്’​ എന്ന് ഉറക്കെ​ മുദ്രാവാക്യം വിളിച്ചു. തിരിഞ്ഞ്​ നിന്ന യെച്ചൂരി നിങ്ങൾ എന്താണ്​ ചെയ്യുന്നതെന്ന്​ ചോദിച്ചുവെങ്കിലും അവർ പ്രതിഷേധിച്ച്​ യെച്ചൂരിക്ക്​ അട​ുത്തേക്ക്​ എത്തി. ഒപ്പമുണ്ടായിരുന്ന സി.പി.എം പ്രവർത്തകർ ഇവരെ ബലം പ്രയോഗിച്ച്​ തടഞ്ഞു.

ഇതിനിടെ സമ്മേളന ഹാളിലും കെട്ടിടത്തിനുള്ളിലും ഉണ്ടായിരുന്ന സി.പി.എം പ്രവർത്തകർ ഇവരെ വളഞ്ഞ്​ മാറ്റി കൊണ്ടുപോയി. രോഷാകുലരായ സി.പി.എമ്മുകാരുടെ മർദനവും ഇവർക്കേറ്റു. സി.പി.എമ്മി​​​​െൻറ രാജ്യവിരുദ്ധ നിലപാടുകളില്‍ പ്രതിഷേധിച്ചാണ് തങ്ങളെത്തിയതെന്ന്​ പൊലീസ്​ അറസ്​റ്റ്​ ചെയ്​ത്​ കൊണ്ടു​േപാകുന്നതിനിടെ യുവാക്കൾ വിളിച്ച്​ പറഞ്ഞു. 

​ബഹളം കേട്ട്​ പ്രകാശ്​ കാരാട്ട്​, എസ്​. രാമചന്ദ്രൻ പിള്ള, വൃന്ദ കാരാട്ട്​ എന്നിവരും മുകളിലത്തെ നിലയിൽ നിന്ന്​ ഒാടി​െയത്തി. ചാനൽ കാമറാമാന്മാരും റി​പ്പോർട്ടർമാരും പുറത്തേക്ക്​ പാഞ്ഞതോടെയുണ്ടായ തള്ളിലും തിരക്കിലുംപെട്ട്​  വീഴാതെയിരുന്ന യെച്ചൂരി ഒന്നും സംഭവിക്കാത്ത ​േപാലെ ഹാളിനകത്തേക്ക്​ കടന്നു. തുടർന്ന്​ നടന്ന വാർത്താസമ്മേളനത്തിൽ ഇത്​ സംബന്ധിച്ച ചോദ്യങ്ങൾക്ക്​ ‘ഇവിടെ നടന്നതും മോദി സർക്കാറി​​​​െൻറ വാർഷിക ആഘോഷങ്ങളുടെ ഭാഗമെ’ന്നാണ്​ പ്രതികരിച്ചത്​. 

ആർ.എസ്​.എസുകാർ സി.പി.എമ്മിനെ കേന്ദ്രീകരിക്കുകയാണോ എന്ന ചോദ്യത്തിന്​ ‘അങ്ങ​െന തോന്നുകയല്ല, സംഭവിക്കുകയാണെ’ന്നായിരുന്നു മറുപടി. വാർത്താസമ്മേളന ശേഷം ഡൽഹി ​ഡി.സി.പി ബി.കെ. സിങ്​​ എ.കെ.ജി ഭവനിലെത്തി യെച്ചൂരിയുമായി സംസാരിച്ചു

We will not be cowed down by any attempts of Sangh's goondagardi to silence us. This is a battle for the soul of India, which we will win. https://t.co/FdPmtoq1Ky

— Sitaram Yechury (@SitaramYechury) June 7, 2017