ഭീകരവാദം മനുഷ്യാവകാശ ലംഘനത്തിന്‍റെ ഏറ്റവും വലിയ രൂപമെന്ന് അമിത് ഷാ

ന്യൂ​ഡ​ൽ​ഹി: മ​നു​ഷ്യാ​വ​കാ​ശ ലം​ഘ​ന​ത്തി​ന്റെ ഏ​റ്റ​വും വ​ലി​യ രൂ​പ​മാ​ണ് ഭീ​ക​ര​വാ​ദ​മെ​ന്നും അ​തി​​നെ​തി​രാ​യ ന​ട​പ​ടി മ​നു​ഷ്യാ​വ​കാ​ശ​ത്തി​ന് എ​തി​ര​ല്ലെ​ന്നും കേ​ന്ദ്ര ആ​​ഭ്യ​ന്ത​ര മ​ന്ത്രി അ​മി​ത് ഷാ. ​ദേ​ശീ​യ അ​ന്വേ​ഷ​ണ ഏ​ജ​ൻ​സി (എ​ൻ.​ഐ.​എ)​യു​ടെ 13ാം സ്ഥാ​പ​ക​ദി​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ജ​മ്മു-​ക​ശ്മീ​രി​ൽ ഭീ​ക​ര​ത​ക്ക് ധ​ന​സ​ഹാ​യം ന​ൽ​കു​ന്ന​തി​നെ​തി​രെ ശ​ക്ത​മാ​യ ന​ട​പ​ടി എ​ടു​ത്തി​ട്ടു​ണ്ട്. ഭീ​ക​ര​ത​ക്ക് വ​ള​മേ​കി സ​മൂ​ഹ​ത്തി​ൽ മാ​ന്യ​രാ​യി ജീ​വി​ക്കു​ന്ന​വ​ർ​ക്കെ​തി​രെ​യും ന​ട​പ​ടി സ്വീ​ക​രി​ച്ചു. സ​മൂ​ഹം നേ​രി​ടു​ന്ന ഏ​റ്റ​വും വ​ലി​യ വെ​ല്ലു​വി​ളി​യാ​ണ് ഭീ​ക​ര​ത. അ​തി​ന്റെ ദു​രി​ത​ങ്ങ​ൾ ഏ​റ്റ​വു​മ​ധി​കം അ​നു​ഭ​വി​ച്ച രാ​ജ്യ​മാ​ണ് ഇ​ന്ത്യ.

മ​നു​ഷ്യാ​വ​കാ​ശ സം​ഘ​ട​ന​ക​ളോ​ട് എ​നി​ക്ക് ചി​ല അ​ഭി​പ്രാ​യ​വ്യ​ത്യാ​സ​ങ്ങ​ളു​ണ്ട്. ഭീ​ക​ര​വി​രു​ദ്ധ ന​ട​പ​ടി​യു​ണ്ടാ​കു​ന്ന നി​മി​ഷം ചി​ല​ർ ഇ​തൊ​രു പ്ര​ശ്ന​മാ​യി ഉ​ന്ന​യി​ക്കു​ക​യാ​ണെന്നും അമിത് ഷാ ​കൂട്ടി​േച്ചർത്തു.