പരിസ്ഥിതി സൗഹൃദ ഊർജ ഇടനാഴി പദ്ധതിക്ക്​ അംഗീകാരം

ന്യൂ​ഡ​ൽ​ഹി: കേ​ര​ള​മ​ട​ക്കം ഏ​ഴു സം​സ്ഥാ​ന​ങ്ങ​ളെ ഉ​ൾ​പ്പെ​ടു​ത്തി​യ ഹ​രി​ത ഊ​ർ​ജ ഇ​ട​നാ​ഴി പ​ദ്ധ​തി​ക്ക് കേ​ന്ദ്ര​മ​ന്ത്രി​സ​ഭ അം​ഗീ​കാ​രം. അ​ഞ്ചു​വ​ർ​ഷ​ത്തെ പ​ദ്ധ​തി​ക്ക് 12,031 കോ​ടി രൂ​പ​യാ​ണ് ചെ​ല​വ്. പ​രി​സ്ഥി​തി സൗ​ഹൃ​ദ ഫോ​സി​ൽ ഇ​ത​ര ഇ​ന്ധ​ന ഊ​ർ​ജ ഉ​ൽ​പാ​ദ​ന​വും വി​ത​ര​ണ​വു​മാ​ണ് പ​ദ്ധ​തി​യി​ലു​ള്ള​ത്. 2030 ഓ​ടെ 450 ജി​ഗാ​വാ​ട്ട് ഹ​രി​ത ഊ​ർ​ജ​ശേ​ഷി കൈ​വ​രി​ക്കു​ക​യാ​ണ് ല​ക്ഷ്യം. കേ​ര​ള​ത്തി​നു​ പു​റ​മെ ഗു​ജ​റാ​ത്ത്, ഹി​മാ​ച​ൽ​പ്ര​ദേ​ശ്, ക​ർ​ണാ​ട​ക, രാ​ജ​സ്ഥാ​ൻ, ത​മി​ഴ്നാ​ട്, ഉ​ത്ത​ർ​​പ്ര​ദേ​ശ്​ എ​ന്നി​വ​യാ​ണ്​ പ​ദ്ധ​തി​യു​ടെ ഭാ​ഗ​മാ​കു​ന്ന​ത്.

പ​രി​സ്ഥി​തി സൗ​ഹൃ​ദ ഇ​ട​നാ​ഴി ര​ണ്ടാം​ഘ​ട്ടം എ​ന്ന്​ പേ​രി​ട്ടി​രി​ക്കു​ന്ന പ​ദ്ധ​തി​യി​ൽ 2026ഓ​ടെ 10,750 സ​ർ​ക്യൂ​ട്ട് കി​ലോ​മീ​റ്റ​ർ ട്രാ​ൻ​സ്മി​ഷ​ൻ ലൈ​നു​ക​ൾ സ്ഥാ​പി​ക്കു​മെ​ന്ന് കേ​ന്ദ്ര​മ​ന്ത്രി അ​നു​രാ​ഗ് ഠാ​കു​ർ പ​റ​ഞ്ഞു. ഒ​ന്നാം​ഘ​ട്ട പ്ര​വൃ​ത്തി​യു​ടെ 80 ശ​ത​മാ​ന​വും പൂ​ർ​ത്തി​യാ​യ​താ​യും മ​ന്ത്രി കൂ​ട്ടി​ച്ചേ​ർ​ത്തു.

ഏ​ഴ് സം​സ്ഥാ​ന​ങ്ങ​ളി​ലെ പു​ന​രു​പ​യോ​ഗ ഊ​ർ​ജ​പ​ദ്ധ​തി​ക​ളി​ൽ നി​ന്ന് ഉ​ൽ​പാ​ദി​പ്പി​ക്കു​ന്ന വൈ​ദ്യു​തി പ്ര​സ​ര​ണ​ത്തി​നാ​ണ്​​ ഇ​ത്ര​യും കി​ലോ​മീ​റ്റ​ർ ട്രാ​ൻ​സ്മി​ഷ​ൻ ലൈ​ൻ സ്ഥാ​പി​ക്കു​ന്ന​ത്. കേ​ന്ദ്ര ധ​ന​സ​ഹാ​യം ഉ​ൾ​പ്പെ​ടെ 12,031.33 കോ​ടി രൂ​പ​യാ​ണ് പ​ദ്ധ​തി​യു​ടെ ആ​കെ ചെ​ല​വ്. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന സാ​മ്പ​ത്തി​ക കാ​ര്യ മ​ന്ത്രി​സ​ഭ സ​മി​തി​യാ​ണ്​ അം​ഗീ​കാ​രം ന​ൽ​കി​യ​ത്.