ഡൽഹി ഉപതെരഞ്ഞെടുപ്പിൽ ആം ആദ്മിക്ക്​ വിജയം

ന്യൂഡൽഹി: ഡൽഹി നിയമസഭ തെരഞ്ഞെടുപ്പിൽ ബി.ജെ.പി​െയയും കോൺഗ്രസിനെയും പിന്തള്ളി അരവിന്ദ്​ കെജ്​രിവാൾ നയിക്കുന്ന ആം ആദ്​മി പാർട്ടിക്ക്​ വ്യക്​തമായ മുന്നേറ്റം. പ്രധാനമന്ത്രി നരേന്ദ്ര മോദി അടക്കമുള്ളവർ സസൂക്ഷ്​മം നിരീക്ഷിച്ച ബവാന സീറ്റിലെ ഉപതെരഞ്ഞെടുപ്പിൽ ബി.ജെ.പി സ്​ഥാനാർഥിയെ 24,000ൽപരം വോട്ടിനാണ്​ എ.എ.പി തോൽപിച്ചത്​. കോൺഗ്രസ്​ ഇവിടെ മൂന്നാംസ്​ഥാനത്തേക്ക്​ തള്ളപ്പെട്ടു.

നിയമസഭതെരഞ്ഞെടുപ്പിൽ എ.എ.പി ടിക്കറ്റിൽ ജയിച്ച വേദപ്രകാശ്​ ബി.ജെ.പിയിൽ ചേക്കേറിയതിനെതുടർന്നാണ്​ ഉപതെരഞ്ഞെടുപ്പ്​ വേണ്ടിവന്നത്​. കൂറുമാറിയതിനാൽ ​േവദപ്രകാശിന്​ എം.എൽ.എസ്​ഥാനം രാജിവെക്കേണ്ടി വന്നിരുന്നു. ഉപതെരഞ്ഞെടുപ്പിൽ ബി.ജെ.പി ടിക്കറ്റിൽ മത്സരിച്ച വേദപ്രകാശിനെത്തന്നെയാണ്​ എ.എ.പി സ്​ഥാനാർഥി രാംചന്ദർ പരാജയപ്പെടുത്തിയത്​. 

എ.എ.പി ഭരിക്കുന്ന ഏക സംസ്​ഥാനത്തെ ഉപതെരഞ്ഞെടുപ്പുഫലം മുഖ്യമന്ത്രി അരവിന്ദ്​ കെജ്​രിവാളി​​െൻറയും ആം ആദ്​മി പാർട്ടിയുടെയും ജനസമ്മതിയുടെ അളവുകോലായി പ്രചാരണഘട്ടത്തിൽ ചിത്രീകരിക്കപ്പെട്ടിരുന്നു. അധികാരത്തിലേറിയശേഷം തിരിച്ചടികൾ പലതും അനുഭവിക്കേണ്ടി വ​െന്നങ്കിലും, കേന്ദ്രം ഭരിക്കുന്ന ബി.ജെ.പി​െയക്കാൾ ഡൽഹി ജനത ഇഷ്​ടപ്പെടുന്നത്​ തങ്ങളെയാണെന്ന്​ ചൂണ്ടിക്കാണിക്കാൻ ഇൗ ഫലം കെജ്​രിവാളിനും പാർട്ടിക്കും വലിയ സഹായമായി. 

കഴിഞ്ഞ ലോക്​സഭ തെരഞ്ഞെടുപ്പിലെന്നപോലെ 2019 ലും ഡൽഹിയിലെ ഏഴു സീറ്റും പിടിക്കാമെന്ന പ്രതീക്ഷയിലായിരുന്നു ബി.ജെ.പി. അതിനേറ്റ തിരിച്ചടി കൂടിയാണ്​ ഉപതെരഞ്ഞെടുപ്പുഫലം. യു.പിയിൽ നിന്നും ബിഹാറിൽ നിന്നുമുള്ള വോട്ടർമാർ കൂടുതലുള്ള മണ്ഡലമാണ്​ ഉപതെരഞ്ഞെടുപ്പ്​ നടന്ന ബവാന. ഇൗ സംസ്​ഥാനങ്ങളിൽ നിന്നുള്ളവരുടെ പിന്തുണ തനിക്കുണ്ടെന്ന്​ അവകാശപ്പെടുന്ന ബി.ജെ.പി സംസ്​ഥാന അധ്യക്ഷൻ മനോജ്​ തിവാരിക്കും തെരഞ്ഞെടുപ്പുഫലം തിരിച്ചടിയായി.  

ഉപതെരഞ്ഞെടുപ്പുഫലത്തോടെ 70 അംഗ ഡൽഹി നിയമസഭയിൽ എ.എ.പിക്ക്​ 66 അംഗങ്ങളായി. 67 സീറ്റാണ്​ കഴിഞ്ഞ തെരഞ്ഞെടുപ്പിൽ നേടിയതെങ്കിലും രജൗരി സീറ്റ്​ ഉപതെരഞ്ഞെടുപ്പിൽ ബി.ജെ.പി ​ൈകയടക്കി. നഗരസഭ തെരഞ്ഞെടുപ്പിലും ബി.ജെ.പിക്കാണ്​ മേൽക്കൈ ലഭിച്ചത്​. 15 വർഷം തുടർച്ചയായി ഡൽഹി ഭരിച്ച കോൺഗ്രസിന്​ നിലവിൽ നിയമസഭയിൽ ഒരംഗം പോലുമില്ല.