ഡാറ്റ ചോർത്തൽ വിവാദം: നമോ ആപ്പി​െൻറ പ്രൈവസി പോളിസി രഹസ്യമായി മാറ്റി

ന്യൂഡൽഹി: ഫ്രഞ്ച്​ സുരക്ഷാ വിദഗ്​ധനും എത്തിക്കൽ ഹാക്കറുമായ ഏലിയട്ട്​ ആൽഡേഴ്​സ​​​​​െൻറ വെളിപ്പെടുത്തലുകളെ തുടർന്ന്​ പ്രധാനമന്ത്രി നരേന്ദ്ര മോദിയുടെ ആപ്പി​​​​​െൻറ പ്രൈവസി പോളിസി മാറ്റി. ‘ഇൻറർനെറ്റ്​ ഫാക്​ട്​ ചെക്കിങ്’​ വെബ്​ സൈറ്റാണ് ആപ്പി​​​​​െൻറ​ സ്വകാര്യത നയങ്ങളിൽ മാറ്റം വരുത്തിയ വിവരം ആദ്യം കണ്ടെത്തിയത്​. അമേരിക്കൻ കമ്പനിയായ ക്ലെവർ ടാപ്പിന്​ ഉപയോക്​താക്കളുടെ അനുമതിയില്ലാതെ നമോ ആപ്പ്​ സ്വകാര്യ വിവരങ്ങൾ കൈമാറുന്നുണ്ടെന്ന്​ തെളിവ്​ സഹിതം ആൽഡേഴ്​സൻ ട്വിറ്ററിൽ ആരോപിച്ചിരുന്നു.

ആപ്പിനെതിരെ ഉയർന്ന ആരോപണം ചെറുക്കാൻ രഹസ്യമായി പോളിസിയിൽ മാറ്റം വരുത്തുകയായിരുന്നു. പുതിയ നയങ്ങളിൽ ഉപയോക്​താവി​​​​​െൻറ സ്വകാര്യ വിവരങ്ങൾ രഹസ്യമായി സൂക്ഷിക്കുമെന്നും നിങ്ങളുമായി ആശയവിനിമയം നടത്താനല്ലാതെ ഉപയോഗിക്കില്ലെന്നുമാണ്​ പറയുന്നത്​. മൂന്നാമതൊരാളുമായി വിവരങ്ങൾ ഉപയോക്​താവി​​​​​െൻറ അറിവോടെയല്ലാതെ പങ്കുവെക്കില്ലെന്നും’ ഉറപ്പുനൽകുന്നു. 

ഉപയോക്​താവി​​​​​െൻറ പേര്​, ഇ-മെയിൽ, മൊബൈൽ നമ്പർ, ഉപകരണ വിവരങ്ങൾ, ലൊക്കേഷൻ തുടങ്ങിയവ ആപ്ലിക്കേഷ​​​​​െൻറ മികച്ച ഉപയോഗത്തിന്​ വേണ്ടി മൂന്നാ​മതൊരാൾ പ്രൊസസ്സ്​ ചെയ്യുമെന്നാണ്​ പുതിയ സ്വകാര്യതാ സെറ്റിങ്​സിൽ പറയുന്നത്​.

ഉപയോക്​താക്കളുടെ സമ്മതമില്ലാതെ ഒരു വിവരവും കൈമാറാൻ സാധിക്കില്ലെന്നാണ്​ പ്രധാനമന്ത്രിയുടെ ആപ്പ്​ കൈകാര്യം ചെയ്യുന്നവർ പറയുന്നതെങ്കിലും അവർ ചെയ്യുന്നത്​ നേരെ വിപരീതമാണെന്ന്​ എ.എൽ.ടി ന്യൂസ്​ റിപ്പോർട്ടർ പ്രതീക്​ ശർമ പറയുന്നു. ആപ്ലിക്കേഷനിൽ പെ​ട്ടന്നുള്ള ‘പ്രൈവസി മാറ്റൽ’ ​ഡാറ്റ ചോർച്ച നടന്നതിനുള്ള തെളിവാണെന്നും ശർമ കൂട്ടിച്ചേർത്തു.