ബി.ജെ.പി എം.പി ഹർദ്വാർ ദുബെ അന്തരിച്ചു

ന്യൂഡൽഹി: ഉത്തർപ്രദേശിൽനിന്നുള്ള ബി.ജെ.പിയുടെ രാജ്യസഭ എം.പി ഹർദ്വാർ ദുബെ അന്തരിച്ചു. 74 വയസ്സായിരുന്നു. അസുഖത്തെതുടർന്ന് ഈ മാസം 12ന് അദ്ദേഹത്തെ ഫോർട്ടിസ് എസ്കോർട്ട് ആശുപത്രിയിൽ പ്രവേശിപ്പിച്ചിരുന്നു. അവിടെവെച്ചാണ് മരണം.

ഹർദ്വാർ ദുബെ എം.പിയുടെ മരണത്തിൽ രാഷ്ട്രപതി ദ്രൗപതി മുർമു, പ്രധാനമന്ത്രി നരേന്ദ്ര മോദി, യു.പി മുഖ്യമന്ത്രി യോഗി ആദിത്യനാഥ് എന്നിവർ അനുശോചിച്ചു.