ശ്രീ​രാ​മ​ന്റെ​യും സീ​ത​യു​ടെ​യും ചി​ത്ര​ങ്ങ​ൾ ഭരണഘടനയിൽനിന്ന് കോൺഗ്രസ് ഒ​ഴി​വാ​ക്കി​യെന്ന് ബി.ജെ.പി; സഭയിൽ ബഹളം, ഇറങ്ങിപ്പോക്ക്

ന്യൂ​ഡ​ൽ​ഹി: ഭ​ര​ണ​ഘ​ട​ന​യു​ടെ യ​ഥാ​ർ​ഥ പ​ക​ർ​പ്പു​ത​ന്നെ ഉ​പ​യോ​ഗി​ക്ക​ണ​മെ​ന്നും ശ്രീ​രാ​മ​ന്റെ​യും സീ​ത​യു​ടെ​യും ഉ​ൾ​പ്പെ​ടെ നി​ര​വ​ധി ചി​ത്ര​ങ്ങ​ൾ ഒ​ഴി​വാ​ക്കി​യാ​ണ് കോ​ൺ​ഗ്ര​സ് പി​ന്നീ​ട് പു​റ​ത്തി​റ​ക്കി​യ​തെ​ന്നു​മു​ള്ള ബി​.​ജെ.​പി അം​ഗ​ത്തി​ന്റെ പ​രാ​മ​ർ​ശ​ത്തി​ൽ രാ​ജ്യ​സ​ഭ​യി​ൽ ബ​ഹ​ളം. ചൊ​വ്വാ​ഴ്ച ശൂ​ന്യ​വേ​ള​യി​ൽ ബി.​ജെ.​പി​യു​ടെ രാ​ധാ​മോ​ഹ​ൻ അ​ഗ​ർ​വാ​ളാ​ണ് വി​ഷ​യം ഉ​ന്ന​യി​ച്ച​ത്.

ബി.​ജെ.​പി അം​ഗം ശു​ദ്ധ അ​സം​ബ​ന്ധ​മാ​ണ് പ​റ​യു​ന്ന​തെ​ന്നും കോ​ൺ​ഗ്ര​സ് ഒ​രു ചി​ത്ര​വും നീ​ക്കം ചെ​യ്തി​ട്ടി​ല്ലെ​ന്നും രാ​ജ്യ​സ​ഭ പ്ര​തി​പ​ക്ഷ നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ പ​റ​ഞ്ഞു. ബി.​ജെ.​പി അം​ഗ​ത്തി​നെ​തി​രെ മ​റ്റു കോ​ൺ​ഗ്ര​സ് അം​ഗ​ങ്ങ​ളും പ്ര​തി​ഷേ​ധം ഉ​യ​ർ​ത്തി. ഇ​തോ​ടെ സ​ഭ ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ ബി.​ജെ.​പി അം​ഗ​ത്തെ പി​ന്തു​ണ​ച്ച് രം​ഗ​ത്തു​വ​ന്നു.

22 മി​നി​യേ​ച്ച​റു​ക​ൾ ഉ​ൾ​പ്പെ​ടു​ന്ന, ശി​ൽ​പി​ക​ൾ ഒ​പ്പി​ട്ട ഭ​ര​ണ​ഘ​ട​ന മാ​ത്ര​മാ​ണ് ആ​ധി​കാ​രി​ക പ​തി​പ്പെ​ന്ന് ധ​ൻ​ഖ​ർ പ​റ​ഞ്ഞു. മ​ഹ​ത്താ​യ ഭൂ​ത​കാ​ല​ത്തെ​ക്കു​റി​ച്ച് ഇ​ന്ത്യ​ക്കാ​ർ അ​റി​യാ​ൻ ആ​ഗ്ര​ഹി​ക്കാ​ത്ത​തി​നാ​ലാ​ണ് മു​ൻ കോ​ൺ​ഗ്ര​സ് സ​ർ​ക്കാ​ർ ചി​ത്ര​ങ്ങ​ൾ നീ​ക്കം​ചെ​യ്ത​തെ​ന്ന് സ​ഭ നേ​താ​വ് ജെ.​പി. ന​ഡ്ഡ​യും വ്യ​ക്ത​മാ​ക്കി.