വാജ്​പേയിയുടെ പേരിൽ ബി.ജെ.പി ലജ്ജയില്ലാതെ രാഷ്​ട്രീയം കളിക്കുന്നുവെന്ന്​ മരുമകൾ

ന്യൂഡൽഹി: മുൻ പ്രധാനമന്ത്രി അടൽ ബിഹാരി വാജ്​പേയിയുടെ മരണത്തെ പോലും ബി.ജെ.പി രാഷ്​ട്രീയപരമായി ഉപയോഗിക്കുന്നുവെന്ന്​ മരുമകൾ കരുണ ശുക്ല. വാജ്​പേയിയുടെ പേരിൽ ബി.ജെ.പി സ്വാർഥ രാഷ്​ട്രീയം കളിക്കുകയാണ്​.  2019 ലെ ലോക്​ സഭാ തെരഞ്ഞെടുപ്പ്​ വിജയത്തിനു വേണ്ടി അദ്ദേഹത്തി​​​െൻറ പേര്​ ഉപയോഗിക്കുന്നുവെന്നും ശുക്ല ആരോപിച്ചു. 

വാജ്​പേയിയുടെ ജീവിതകാലം മുഴവൻ ആ പേരിൽ നിന്ന്​ ലാഭം കൊയ്​തവരാണ്​ ബി.ജെ.പി. ഇപ്പോൾ മരണ ശേഷവും വാജ്​പേയിയുടെ പേരുപയോഗിച്ച്​ രാഷ്​ട്രീയം കളിക്കുകയാണ്​. അതിന്​ ബി.ജെ.പിക്ക്​ ഒരു ലജ്ജയുമില്ലെന്നും ശുക്ല ആരോപിച്ചു. മുൻ ലോക്​ സഭാ എം.പിയായിരുന്നു ശുക്ല.