ആപിന്റെ ‘മൊഹല്ല’ ബസുകൾ ‘ദേവി ബസ്’ ആക്കി ബി.ജെ.പി

ന്യൂ​ഡ​ൽ​ഹി: സാ​​ങ്കേ​തി​ക ത​ട​സ്സം ചൂ​ണ്ടി​ക്കാ​ട്ടി ഒ​രു വ​ർ​ഷ​മാ​യി അ​നു​മ​തി ന​ൽ​കാ​തെ ഡി​പ്പോ​ക​ളി​ൽ ത​ട​ഞ്ഞു​വെ​ച്ച ഡ​ൽ​ഹി​യി​ലെ ആം ​ആ​ദ്മി പാ​ർ​ട്ടി സ​ർ​ക്കാ​റി​​ന്റെ ‘മൊ​ഹ​ല്ല’ ബ​സു​ക​ൾ ബി.​ജെ.​പി അ​ധി​കാ​ര​ത്തി​ൽ എ​ത്തി​യ​പ്പോ​ൾ പ്ര​ധാ​ന​മ​ന്ത്രി​യു​ടെ​യും പു​തി​യ മു​ഖ്യ​മ​ന്ത്രി​യു​ടെ​യും ചി​ത്ര​ങ്ങ​ളോ​ടെ ‘ദേ​വി ബ​സ്’ ആ​ക്കി ​നി​ര​ത്തി​ലി​റ​ക്കി.ആം ​ആ​ദ്മി പാ​ർ​ട്ടി അ​ധി​കാ​ര​ത്തി​ലി​രു​ന്ന​പ്പോ​ൾ വാ​ങ്ങി ഉ​ദ്ഘാ​ട​നം ചെ​യ്ത 400 ഇ​ല​ക്ട്രി​ക് ബ​സു​ക​ളാ​ണ് ബി.​ജെ.​പി മു​ഖ്യ​മ​ന്ത്രി രേ​ഖ ഗു​പ്ത അ​ടു​ത്തി​ടെ ഉ​ദ്ഘാ​ട​നം ചെ​യ്ത​ത്. ഡ​ൽ​ഹി ഇ​ല​ക്ട്രി​ക് വെ​ഹി​ക്കി​ൾ ഇ​ന്റ​ർ ക​ണ​ക്ട​ർ എ​ന്നാ​ണ് ‘ദേ​വി’​യു​ടെ പൂ​ർ​ണ രൂ​പം.

ഡ​ൽ​ഹി ന​ഗ​ര​ത്തി​ലെ എ​ല്ലാ​യി​ട​ത്തും പൊ​തു​ഗ​താ​ഗ​തം എ​ന്ന ല​ക്ഷ്യ​മി​ട്ട് ഇ​ടു​ങ്ങി​യ വ​ഴി​ക​ളി​ലൂ​ടെ​യും സ​ഞ്ച​രി​ക്കാ​ൻ സാ​ധി​ക്കു​ന്ന, ​23 സീ​റ്റു​ള്ള ഇ​ല​ക്ട്രി​ക് മി​നി ബ​സു​ക​ളാ​ണി​ത്. ‘50 ശ​ത​മാ​നം മെ​യ്ക്ക് ഇ​ൻ ഇ​ന്ത്യ’ എ​ന്ന മാ​ന​ദ​ണ്ഡം പാ​ലി​ച്ചി​ല്ലെ​ന്ന് ചൂ​ണ്ടി​ക്കാ​ട്ടി​യാ​ണ് ഈ ​ബ​സു​ക​ൾ​ക്ക് ​ ആം ​ആ​ദ്മി പാ​ർ​ട്ടി സ​ർ​ക്കാ​ർ അ​ധി​കാ​ര​ത്തി​ലു​ള്ള​പ്പോ​ൾ അ​നു​മ​തി നി​ഷേ​ധി​ച്ച​തെ​ന്ന് പാ​ർ​ട്ടി ഡ​ൽ​ഹി പ്ര​സി​ഡ​ന്റും മു​ൻ പൊ​തു​മ​രാ​മ​ത്ത് മ​ന്ത്രി​യു​മാ​യ സൗ​ര​ഭ് ഭ​ര​ദ്വാ​ജ് പ​റ​ഞ്ഞു.

മൊ​ഹ​ല്ല ബ​സി​ന്റെ പ​രീ​ക്ഷ​ണ ഓ​ട്ടം അ​ന്ന​ത്തെ മു​ഖ്യ​മ​ന്ത്രി അ​തി​ഷി ഉ​ദ്ഘാ​ട​നം ചെ​യ്ത​താ​ണ്. സാ​​ങ്കേ​തി​ക ത​ട​സ്സം ഉ​ന്ന​യി​ച്ച് ത​ട​ഞ്ഞ​വ​ർ ഇ​ന്ന​ത് മ​റ്റൊ​രു പേ​രി​ൽ മു​ഖ്യ​മ​ന്ത്രി​യു​ടെ​യും പ്ര​ധാ​ന​മ​ന്ത്രി​യു​ടെ​യും ചി​ത്രം പ​തി​ച്ച് നി​ര​ത്തി​ലി​റ​ക്കി​യ​പ്പോ​ൾ മാ​ന​ദ​ണ്ഡ​ത്തി​ൽ എ​ന്ത് മാ​ന്ത്രി​ക​ത​യാ​ണ് സം​ഭ​വി​ച്ച​തെ​ന്ന് അ​ദ്ദേ​ഹം ചോ​ദി​ച്ചു.

പ​ര​മാ​വ​ധി 12 കി​ലോ​മീ​റ്റ​ര്‍ സ​ര്‍വി​സ് ന​ട​ത്തു​ന്ന രീ​തി​യി​ലാ​ണ് ദേ​വി ബ​സു​ക​ളു​ടെ റൂ​ട്ടു​ക​ള്‍ ക്ര​മീ​ക​രി​ച്ചി​ട്ടു​ള്ള​ത്. ബ​സ് ചാ​ര്‍ജ് ചെ​യ്യാ​ന്‍ 45 മി​നി​റ്റാ​ണ് സ​മ​യ​മെ​ടു​ക്കു​ക. ഒ​റ്റ ചാ​ര്‍ജി​ല്‍ 225 കി​ലോ​മീ​റ്റ​ര്‍ വ​രെ സ​ഞ്ച​രി​ക്കാ​നാ​വും. മെ​ട്രോ സ്‌​റ്റേ​ഷ​നു​ക​ളും ബ​സ് ടെ​ര്‍മി​ന​ലു​ക​ളും ത​മ്മി​ലു​ള്ള ക​ണ​ക്ടി​വി​റ്റി മെ​ച്ച​പ്പെ​ടു​ത്തു​ക​യാ​ണ് ദേ​വി ബ​സു​ക​ളു​ടെ ല​ക്ഷ്യം.