‘എന്റെ മണ്ണ്, എന്റെ രാജ്യം’ കാമ്പയിനുമായി പ്രധാനമന്ത്രി

ന്യൂ​ഡ​ൽ​ഹി: വീ​ര​മൃ​ത്യു വ​രി​ച്ച ധീ​ര​വ​നി​ത​ക​ളെ​യും വീ​ര​ന്മാ​രെ​യും ആ​ദ​രി​ക്കാ​ൻ സ്വാ​ത​ന്ത്ര്യ​ദി​നാ​ഘോ​ഷ​ത്തോ​ട​നു​ബ​ന്ധി​ച്ച് ‘മേ​രി മാ​ട്ടി, മേ​രാ ദേ​ശ്’ (എ​ന്റെ മ​ണ്ണ്, എ​ന്റെ രാ​ജ്യം) കാ​മ്പ​യി​ന്‍ ആ​രം​ഭി​ക്കു​മെ​ന്ന് പ്ര​ധാ​ന​മ​ന്ത്രി ന​രേ​ന്ദ്ര മോ​ദി. അ​ന​ശ്വ​ര ര​ക്ത​സാ​ക്ഷി​ക​ളു​ടെ സ്മ​ര​ണ​ക്കാ​യി രാ​ജ്യ​ത്തു​ട​നീ​ളം നി​ര​വ​ധി പ​രി​പാ​ടി​ക​ള്‍ സം​ഘ​ടി​പ്പി​ക്കു​മെ​ന്നും മ​ഹ​ദ് വ്യ​ക്തി​ത്വ​ങ്ങ​ളു​ടെ സ്മ​ര​ണ​ക്ക് ഗ്രാ​മ​പ​ഞ്ചാ​യ​ത്തു​ക​ളി​ല്‍ പ്ര​ത്യേ​ക ലി​ഖി​ത​ങ്ങ​ള്‍ സ്ഥാ​പി​ക്കു​മെ​ന്നും ആ​കാ​ശ​വാ​ണി​യി​ലൂ​ടെ​യു​ള്ള ‘മ​ൻ കീ ​ബാ​തി’​ൽ പ്ര​ധാ​ന​മ​ന്ത്രി അ​റി​യി​ച്ചു.

രാ​ജ്യ​ത്തു​ട​നീ​ളം ‘അ​മൃ​ത് ക​ല​ശ് യാ​ത്ര’ ന​ട​ത്തും. രാ​ജ്യ​ത്തി​ന്റെ വി​വി​ധ കോ​ണു​ക​ളി​ല്‍നി​ന്ന് 7500 ക​ല​ശ​ങ്ങ​ളി​ല്‍ മ​ണ്ണ് ശേ​ഖ​രി​ച്ച് രാ​ജ്യ​ത​ല​സ്ഥാ​ന​മാ​യ ഡ​ല്‍ഹി​യി​ലെ​ത്തി​ക്കും. രാ​ജ്യ​ത്തി​ന്റെ വി​വി​ധ ഭാ​ഗ​ങ്ങ​ളി​ല്‍നി​ന്നു​ള്ള ചെ​ടി​ക​ളും കൊ​ണ്ടു​വ​രും. മ​ണ്ണും ചെ​ടി​ക​ളും ചേ​ര്‍ത്ത് ദേ​ശീ​യ യു​ദ്ധ​സ്മാ​ര​ക​ത്തി​ന് സ​മീ​പം ‘അ​മൃ​ത് വാ​ടി​ക’ നി​ർ​മി​ക്കും. കാ​മ്പ​യി​നി​ല്‍ പ​ങ്കെ​ടു​ത്ത് പ്ര​തി​ജ്ഞ​യെ​ടു​ത്ത് എ​ല്ലാ​വ​രും സെ​ല്‍ഫി yuva.gov.inല്‍ ​അ​പ്‌​ ലോ​ഡ് ചെ​യ്യ​ണ​മെ​ന്ന് പ്ര​ധാ​ന​മ​ന്ത്രി ആ​വ​ശ്യ​പ്പെ​ട്ടു. സ്വാ​ത​ന്ത്ര്യ​ദി​ന​ത്തി​ല്‍ ഇ​ത്ത​വ​ണ​യും എ​ല്ലാ വീ​ടു​ക​ളി​ലും ത്രി​വ​ര്‍ണ പ​താ​ക ഉ​യ​ര്‍ത്ത​ണം.

ബ​നാ​റ​സ്, അ​യോ​ധ്യ, മ​ഥു​ര, ഉ​ജ്ജ​യി​ന്‍ തു​ട​ങ്ങി​യ തീ​ർ​ഥാ​ട​ന കേ​ന്ദ്ര​ങ്ങ​ള്‍ സ​ന്ദ​ര്‍ശി​ക്കു​ന്ന ഭ​ക്ത​രു​ടെ എ​ണ്ണ​വും അ​തി​വേ​ഗം വ​ര്‍ധി​ക്കു​ക​യാ​ണ്. ഇ​തെ​ല്ലാം ജ​ന​ങ്ങ​ളു​ടെ സാം​സ്‌​കാ​രി​ക​മാ​യ ഉ​ണ​ര്‍വി​ന്റെ ഫ​ല​മാ​ണ്. ഇ​തു​മൂ​ലം ല​ക്ഷ​ക്ക​ണ​ക്കി​ന് പേ​ർ​ക്ക് തൊ​ഴി​ല്‍ ല​ഭി​ക്കു​ന്നു​​​ണ്ടെ​ന്നും മോ​ദി പ​റ​ഞ്ഞു.