കുടിശ്ശിക നൽകിയില്ല; ഫ്ലിപ്​കാർട്ട്​ സ്​ഥാപകർക്കെതിരെ വഞ്ചനാ കേസ്​

ബംഗളൂരു: ഇ കൊമേഴ്​സ്​ ഭീമനായ ഫ്ലിപ്​കാർട്ട്​ ഉടമകൾക്കെതിരെ വഞ്ചനാ കുറ്റത്തിന്​ കേസ്. ബംഗളൂരുവിലുള്ള സി-സ്​റ്റോർ കംപനിയുടെ ഉടമയായ നവീൻ കുമാർ നൽകിയ പരാതിയിലാണ്​​ ഇന്ദിരാ നഗർ പൊലീസ്​ കേസെടത്തത്​​​. കമ്പനി ഫ്ലിപ്​കാർട്ടിന്​ വിറ്റ 12500 ലാപ്​ടോപുകള​ുടെ കുടിശ്ശികയായ 9.96 കോടി രൂപ നൽകിയില്ലെന്നാണ്​ കേസ്​​.

കരാർ പ്രകാരം ഫ്ലിപ്​കാർട്ടി​​െൻറ ഷോപ്പിങ്​ ഉത്സവമായ ബിഗ്​ ബില്ല്യൺ ഡേ സെയിൽസി​​െൻറ ഭാഗമായി 2015 ജൂൺ മുതൽ 2016 ജൂൺ വരെ 14000 ത്തോളം ലാപ്​ടോപുകൾ​ നൽകിയതായും, ആയിനത്തിൽ കിട്ടാനുള്ള 9.96 കോടി രൂപ നൽകാതെ ഫ്ലിപ്​കാർട്ട്​ വഞ്ചിച്ചു എന്നുമാണ്​​ പരാതി.

ഫ്ലിപ്​കാർട്ട്​ സ്​ഥാപകരായ സചിൻ ബൻസാൽ, ബിന്നി ബൻസാൽ എന്നിവരെയും സെയിൽസ്​ ഡയരക്​ടർ ഹരി, അക്കൗണ്ട്​സ്​ മാ​േ​നജ​ർമാരായ സുമിത്​ ആനന്ദ്​, ശരാഖ്​ എന്നിവർക്കെതിരെ  വഞ്ചനാകുറ്റത്തിന്​ കേസ്​ രജിസ്​റ്റർ ചെയ്​തതായി പൊലീസ്​ അറിയിച്ചു.

14000 ലാപ്​ടോപുകളിൽ 1482 യൂനിറ്റുകൾ തിരിച്ചയച്ച ഫ്ലിപ്​കാർട്ട്​ ബാക്കി യൂനിറ്റുകളുടെ പണവും, ടിഡിഎസ്​, ഷിപ്പിങ്​ ചാർജ്​ തുടങ്ങിയവയും നൽകിയില്ലെന്നും, ആവിശ്യപ്പെട്ടപ്പോൾ 3091 യൂനിറ്റുകൾ തിരിച്ചയച്ചതായ തെറ്റായ കണക്കുകൾ പറഞ്ഞെന്നു​ം 9.96 ​േകാടി രൂപ നൽകാതെ വഞ്ചിച്ചെന്നും ഇന്ദിരാ നഗർ ​േപാലീസ്​ തയാറാക്കിയ എഫ്​.​െഎ.ആറിൽ പറയുന്നു.