ഡേവിഡ്​ ഗ്വറ്റയുടെ സംഗീത പരിപാടിക്ക്​ മുംബൈയിലും അനുമതി നി​േ​ഷധിച്ചു

മുംബൈ: ലോകപ്രശസ്​ത ഗായകനും ഡി.ജെയുമായ ഡേവിഡ്​ ഗ്വറ്റയുടെ മുംബൈയിലെ പരിപാടിക്കും അനുമതി നിഷേധിച്ചു.  പരിപാടിയെ കുറിച്ചുള്ള രേഖകൾ സമർപ്പിക്കാത്തതിനാലാണ്​ അനുമതി നിഷേധിച്ചത്​. ബ്രിഹാൻ മുംബൈ മുൻസിപ്പൽ സ്​റ്റേഡിയത്തിലാണ്​ ഇന്ന്​ ​വൈകീട്ടാണ്​ സംഗീത പരിപാടി നടത്താൻ തീരുമാനിച്ചിരുന്നത്​.

എന്നാൽ  പരിപാടി റദ്ദാക്കിയിട്ടില്ലെന്നും വേദി മാറ്റുക മാത്രമാണ്​ ചെയ്​തതെന്നും  സംഘാടകരിൽ ഒരാൾ പ്രതികരിച്ചു. ജിയോ ഗാർഡനിൽ പരിപാടി നടത്താനാണ്​ തങ്ങൾ ഉദ്ദേശിക്കുന്നതെന്നും സംഘാടകൾ കൂട്ടിച്ചേർത്തു.

പുതുവൽസര ആഘോഷത്തോട് ബന്ധപ്പെട്ട്​ നടന്ന പ്രശ്​നങ്ങളുടെ പശ്​ചാതലത്തിൽ ഡേവിഡ്​ ഗ്വറ്റയുടെ ബംഗ്​ളൂരുവിലെ പരിപാടിക്കും പൊലീസ്​ അനുമതി നിഷേധിച്ചിരുന്നു.