മോദി ‘ശിവലിംഗത്തിലിരിക്കുന്ന തേൾ’: തരൂരിനെതിരെ അപകീർത്തി കേസുമായി ബി.ജെ.പി

ന്യൂഡൽഹി: പ്രധാനമന്ത്രി നരേന്ദ്ര മോദി ശിവലിംഗത്തിലിരിക്കുന്ന തേളിനെപ്പോലെയാണെന്ന പരാമർശത്തിൽ ശശി തരൂർ എം.പിക്കെതിരെ അപകീർത്തി കേസ്​​. ഡൽഹി ബി.ജെ.പി വൈസ്​ പ്രസിഡൻറ്​ രാജീവ്​ ബബ്ബാറാണ്​ ഹരജി​ നൽകിയത്​. ഹരജി ഫയലിൽ സ്വീകരിച്ച അഡീഷനൽ ചീഫ്​ മെട്രോപൊളിറ്റൻ മജിസ്​ട്രേറ്റ്​ സമർ വിശാൽ കേസ്​ തുടർനടപടിക്കായി ഇൗമാസം 16ലേക്ക്​ മാറ്റി.

തരൂരി​​​െൻറ പ്രസ്​താവനയിലൂടെ ത​​​​െൻറ മതവികാരം വ്രണപ്പെ​െട്ടന്നും കോടിക്കണക്കിന്​ വിശ്വാസികളുടെ വിശ്വാസത്തെ അപകീർത്തിപ്പെടുത്തുകയും അധിക്ഷേപിക്കുകയും ചെയ്​തുവെന്നും ഹരജിയിൽ പറയുന്നു. ഹിന്ദു ​ദൈവത്തെ മാത്രമല്ല, പ്രധാനമന്ത്രിയെയും തരൂർ അപകീർത്തിപ്പെടുത്തിയിരിക്കുകയാണ്​ -ഹരജിയിൽ പറഞ്ഞു. പരമാവധി രണ്ടു വർഷം വരെ തടവുശിക്ഷ ലഭിക്കാവുന്ന ​െഎ.പി.സി 499, 500 വകുപ്പുകൾ പ്രകാരം നടപടിയെടുക്കണമെന്ന്​ ആവശ്യപ്പെട്ടാണ്​ ഹരജി.

അതേസമയം, ത​​​​െൻറ അഭിപ്രായ സ്വാതന്ത്ര്യത്തിന്​ മേലുള്ള കടന്നുകയറ്റമാണ്​ അപകീർത്തി കേസെന്ന്​ തരൂർ പ്രതികരിച്ചു. മോ​ദി ‘ശി​വ​ലിം​ഗ​ത്തി​ലി​രി​ക്കു​ന്ന തേ​ൾ’ ആ​ണെ​ന്ന്​ 2012ൽ ഒരു ആ​ർ.​എ​സ്.​എ​സു​കാ​ര​ൻ പ​റ​ഞ്ഞ​താ​യാണ്​ കഴിഞ്ഞ ഞായറാഴ്​ച ബംഗളൂരുവിൽ ശ​ശി ത​രൂ​ർ വെളിപ്പെടുത്തിയത്​. ശി​വ​ലിം​ഗ​ത്തി​ലി​രി​ക്കു​ന്ന തേ​ളി​നെ കൈ​കൊ​ണ്ട്​ എ​ടു​ക്കാ​നും ചെ​രി​പ്പു​കൊ​ണ്ട്​ അ​ടി​ക്കാ​നും വ​യ്യാ​ത്ത സ്​​ഥി​തി​യാ​ണെ​ന്നും അ​ദ്ദേ​ഹം പരിഹസിച്ചിരുന്നു.