എയർ ഇന്ത്യ വിമാനം റാഞ്ചിയ ഖാലിസ്താൻ വാദികളെ വെറുതെ വിട്ടു

ന്യൂഡൽഹി: എയർ ഇന്ത്യാ വിമാനം റാഞ്ചിയ കേസിൽ രണ്ട്​ സിഖ്​ വിഘടനവാദികളെ ഡൽഹി ഹൈകോടതി കുറ്റവിമുക്​തരാക്കി. 1981നായിരുന്നു കേസിനാസ്പദമായ സംഭവം. എയർ ഇന്ത്യയുടെ വിമാനം റാഞ്ചി​ പാകിസ്​താനിലെ ലാഹോറിലേക്ക്​ വഴിതിരിച്ചുവിടുകയായിരുന്നു. കേസിൽ തജിന്ദർ പാൽ സിങ്​, സത്​നാം സിങ്​ എന്നിർക്കെതിരെ രാജ്യദ്രോഹക്കുറ്റമായിരുന്നു ചുമത്തിയത്​.

ഇരുവരും പാകിസ്​താനിൽ സമാന കുറ്റത്തിന്​ ജീവപര്യന്തം ശിക്ഷ അനുഭവിച്ചിരുന്നു. ശേഷം 2000ത്തിൽ രാജ്യത്തേക്ക്​ തിരിച്ചെത്തിയപ്പോഴായിരുന്നു ഇവിടെയും രാജ്യദ്രോഹക്കുറ്റം ചുമത്തിയത്​. ചെയ്​ത കുറ്റത്തിന് ഒരുതവണ​ ശിക്ഷ അനുഭവിച്ച ഇരുവർക്കും നീതി ​ലഭ്യമാക്കാൻ പഞ്ചാബ്​ മുഖ്യമന്ത്രി അമരീന്ദർ സിങ്​ സർക്കാർ അഭിഭാഷകരോട്​ ആവശ്യപ്പെട്ടിരുന്നു. 

111 യാത്രക്കാരും ആറ്​ ജീവനക്കാരുമായി പോയ വിമാനം ​1981 സെപ്തംബർ 29നായിരുന്നു ആയുധധാരികളായ അഞ്ചോളം ഖാലിസ്ഥാൻ വാദികൾ റാഞ്ചിയത്​​. ലാഹോറിൽ പാകിസ്​താൻ കമാൻഡർമാർ ഇവരെ പിടികൂടി യാത്രക്കാരെ രക്ഷിക്കുകയായിരുന്നു. നേരത്തെ ഇൗ കേസിൽ ഒരാളെ കോടതി വെറുതെ വിട്ടിട്ടുണ്ട്​. മറ്റ്​ രണ്ടുപേരെ കുറിച്ച്​ വിവരങ്ങൾ ലഭ്യമല്ല.