ന്യൂക്ലിയർ ശാസ്​ത്രജ്​ഞ​െൻറ മൃതദേഹം പുഴുവരിച്ച നിലയിൽ

ന്യൂഡൽഹി: ഇന്ത്യൻ കാർഷിക ഗവേഷണ കേന്ദ്രത്തി​ൽ നിന്ന്​ വിരമിച്ച ന്യൂക്ലിയർ ശാസ്​ത്രജ്​ഞനെ സ്വന്തം വീട്ടിൽ മരിച്ച്​ പുഴുവരിച്ച നിലയിൽ കണ്ടെത്തി. 64 കാരനായ ശാസ്​ത്രജ്​ഞൻ ഡോ. യാഷ്​വീർ സൂഡിനെയാണ്​ മരിച്ച നിലയിൽ കണ്ടെത്തിയത്​. മൃതദേഹത്തിന്​ നാലു ദിവസമെങ്കിലും പഴക്കമുണ്ടാകു​െമന്നാണ്​​ പൊലീസ്​ നിഗമനം. 

യാഷ്​വീർ മാനസിക പ്രശ്​നങ്ങളുള്ള രണ്ടു സഹോദരങ്ങൾക്കൊപ്പമാണ്​ കഴിഞ്ഞിരുന്നത്​. അവിവാഹിതരായ മൂന്നു പേരും പുറംലോകവുമായി വലിയ ബന്ധം പുലർത്തിയിരുന്നില്ല. വീട്ടിൽ നിന്ന്​ ദുർഗന്ധം ഉയരാൻ തുടങ്ങിയതോടെ സമീപവാസികൾ ​െപാലീസിൽ അറിയിക്കുകയായിരുന്നു. പൊലീസെത്തി ബലപ്രയോഗത്തിലൂടെ വീട്ടിൽ കയറിയപ്പോഴാണ്​ ശാസ്​ത്രജ്​ഞ​​െൻറ ശരീരം പ്ലാസ്​റ്റിക്​ ഷീറ്റിൽ പുഴുവരിച്ച നിലയിൽ കിടക്കുന്നതായി കണ്ടത്​​. 

ഇന്ത്യൻ കാർഷിക ഗവേഷണ കേന്ദ്രത്തി​ൽ 2015ലാണ്​ അദ്ദേഹം വിരമിച്ചത്​. വിരമിച്ചതിനു ശേഷം സർക്കാർ ക്വാർ​േട്ടഴ്​സ്​ ഒഴിഞ്ഞ യാഷ്​വീർ ഗവേഷണ കേന്ദ്രത്തിനു സമീപമുള്ള ഒരു ഇടുങ്ങിയ മുറിയിലാണ്​ സഹോദരങ്ങളോടൊപ്പം കഴിഞ്ഞിരുന്നത്​. സാധാരണ മരണമായിരുന്നു ശാസ്​ത്രജ്​ഞ​​െൻറതെങ്കിലും അദ്ദേഹത്തിന്​ പോഷകാഹാരക്കുറവ്​ ഉണ്ടായിരുന്നെന്ന്​ പൊലീസ്​ പറഞ്ഞു. അദ്ദേഹത്തി​​െൻറ സഹോദരങ്ങൾക്കും പോഷകാഹാരക്കുറവുണ്ട്​. ഇരുവരെയും ഹ്യൂമൻ ബിഹേവിയൻ ആൻറ്​ സയൻസ്​സ്​ ഇൻസ്​റ്റിറ്റ്യൂട്ടിൽ പ്രവേശിപ്പിച്ചിരിക്കുകയാണ്​. വിരമിച്ചതിനു ശേഷം യാഷ്​വീർ ത​​െൻറ ​െപൻഷനോ ഗ്രാറ്റ്വിറ്റിയോ ​ൈകപ്പറ്റിയിട്ടില്ലെന്നാണ്​ പ്രഥാമികാന്വേഷണത്തിൽ നിന്ന്​ വ്യക്​തമായത്​.