ബം​ഗ്ലാ​ദേ​ശ്‌ പൗ​ര​ന്മാ​രെ​ന്ന്‌ സം​ശ​യി​ക്കു​ന്ന​വ​രെ മ​നു​ഷ്യ​ത്വ​വി​രു​ദ്ധ​മാ​യ രീ​തി​യി​ൽ നാടുകടത്തുന്നത് അപലപനീയം -സി.പി.എം

ന്യൂ​ഡ​ൽ​ഹി: ബം​ഗ്ലാ​ദേ​ശ്‌ പൗ​ര​ന്മാ​രെ​ന്ന്‌ സം​ശ​യി​ക്കു​ന്ന​വ​രെ മ​നു​ഷ്യ​ത്വ​വി​രു​ദ്ധ​മാ​യ രീ​തി​യി​ൽ പു​റ​ത്താ​ക്കു​ന്ന​ത് അ​പ​ല​പ​നീ​യ​മാ​ണെ​ന്നും രാ​ജ്യ​ത്ത്‌ നി​യ​മ​വി​രു​ദ്ധ​മാ​യി ക​ട​ന്ന​വ​രെ വ്യ​വ​സ്ഥാ​പി​ത ന​ട​പ​ടി​ക്ര​മ​ങ്ങ​ളു​ടെ അ​ടി​സ്ഥാ​ന​ത്തി​ൽ കൈ​കാ​ര്യം ചെ​യ്യ​ണ​മെ​ന്നും സി.​പി.​എം പോ​ളി​റ്റ് ബ്യൂ​റോ. അ​ന​ധി​കൃ​ത​കു​ടി​യേ​റ്റ​ക്കാ​രെ ക​ണ്ടെ​ത്താ​ൻ മ​തം മാ​ന​ദ​ണ്ഡ​മാ​ക്ക​രു​ത്‌. പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​നു​ശേ​ഷം, ബം​ഗാ​ളി സം​സാ​രി​ക്കു​ന്ന മു​സ്‍ലിം​ക​ളെ ബി.​ജെ.​പി നേ​തൃ​ത്വ​ത്തി​ലു​ള്ള കേ​ന്ദ്ര- സം​സ്ഥാ​ന സ​ർ​ക്കാ​റു​ക​ൾ പ​രി​ശോ​ധ​ന​യൊ​ന്നും കൂ​ടാ​തെ ബം​ഗ്ലാ​ദേ​ശി​ലേ​ക്ക് ത​ള്ളി​വി​ടു​ക​യാ​ണ്‌.

റി​പ്പോ​ർ​ട്ടു​ക​ൾ പ്ര​കാ​രം, യ​ഥാ​ർ​ഥ ഇ​ന്ത്യ​ൻ പൗ​ര​ന്മാ​രെ​യും അ​റ​സ്റ്റ് ചെ​യ്ത് ബം​ഗ്ലാ​ദേ​ശി​ലേ​ക്ക് ത​ള്ളി​വി​ടു​ന്നു​വെ​ന്നാ​ണ്. വി​ദേ​ശ ട്രൈ​ബ്യൂ​ണ​ലി​ന്റെ വി​ധി​ക്കെ​തി​രെ അ​സം ഹൈ​കോ​ട​തി​യി​ലും സു​പ്രീം​കോ​ട​തി​യി​ലും അ​പ്പീ​ൽ ന​ൽ​കി​യ​വ​രെ അ​ട​ക്കം ബം​ഗ്ലാ​ദേ​ശി​ലേ​ക്ക് ബ​ല​മാ​യി അ​യ​ക്കു​ന്നു. ഇ​ത്‌ അം​ഗീ​ക​രി​ക്കാ​നാ​വി​ല്ല.

തീ​വ്ര വ​ർ​ഗീ​യ ന​യ​ങ്ങ​ൾ ന​ട​പ്പാ​ക്കു​ന്ന അ​സം സ​ർ​ക്കാ​ർ ത​ദ്ദേ​ശീ​യ​രെ സാ​യു​ധ​രാ​ക്കാ​നും തീ​രു​മാ​നി​ച്ചു. ദൂ​ര​വ്യാ​പ​ക പ്ര​ത്യാ​ഘാ​തം ഉ​ണ്ടാ​ക്കു​ന്ന അ​പ​ക​ട​ക​ര​മാ​യ തീ​രു​മാ​ന​മാ​ണി​ത്‌. ക്ര​മ​സ​മാ​ധാ​നം സം​ര​ക്ഷി​ക്കേ​ണ്ട​തും നു​ഴ​ഞ്ഞു​ക​യ​റ്റം ത​ട​യേ​ണ്ട​തും സ​ർ​ക്കാ​റി​ന്റെ ചു​മ​ത​ല​യാ​ണ്‌. നി​യ​മ​വി​രു​ദ്ധ മാ​ർ​ഗ​ങ്ങ​ളി​ലൂ​ടെ രാ​ജ്യ​ത്ത്‌ ക​ട​ന്ന​വ​രെ ന്യാ​യ​മാ​യ വി​ചാ​ര​ണ​ക്ക് വി​ധേ​യ​രാ​ക്ക​ണം. ത​ള്ളി​പ്പു​റ​ത്താ​ക്കു​ന്ന​തും വ​ർ​ഗീ​യ​മാ​യി ആ​യു​ധ​മ​ണി​യി​ക്കു​ന്ന​തും പ​രി​ഹാ​ര​മാ​ർ​ഗ​ങ്ങ​ള​ല്ല. ദു​രു​ദ്ദേ​ശ്യ​ങ്ങ​ളി​ല്ലാ​തെ രാ​ജ്യ​ത്ത്‌ എ​ത്തി​യ ദ​രി​ദ്ര​രും രേ​ഖ​ക​ൾ ഇ​ല്ലാ​ത്ത​വ​രു​മാ​യ കു​ടി​യേ​റ്റ​ക്കാ​രെ അ​ന്ത​സ്സാ​യി വി​ചാ​ര​ണ ചെ​യ്യ​ണ​മെ​ന്നും സി.​പി.​എം പ്ര​സ്താ​വ​ന​യി​ൽ വ്യ​ക്ത​മാ​ക്കി.