ഇന്ത്യയിലും അമേരിക്കയിലും സഹിഷ്​ണുത ഇല്ലാതായി -രാഹുൽ ഗാന്ധി

ന്യൂഡൽഹി: ഇന്ത്യയിലും അമേരിക്കയിലും കണ്ടിരുന്ന സഹിഷ്​ണുത ഇപ്പോൾ ഇല്ലാതായെന്ന്​ കോൺഗ്രസ്​ നേതാവ്​ രാഹുൽ ഗാന്ധി. ആഫ്രോ അമേരിക്കൻ വിഭാഗക്കാരെ ആ​രാണോ വിഘടിപ്പിക്കുന്നത്​,  ഇന്ത്യയിൽ ഹിന്ദുക്കളേയും മുസ്​ലിങ്ങളേയും സിഖുകാരേയും തമ്മിൽ ആരാണോ വിഘടിപ്പിക്കുന്നത്​ അവരാണ്​ സ്വന്തം രാജ്യത്തി​​െൻറ ശക്​തി ക്ഷയിപ്പിക്കുന്നത്​. പക്ഷേ, അവർ അവരെ ദേശീയ വാദികളെന്നാണ്​​ വിളിക്കുന്നത്​ - രാഹുൽ പറഞ്ഞു.

കോവിഡാനന്തരം ലോകം എന്ന വിഷയത്തില്‍ അമേരിക്കൻ മുന്‍ നയതന്ത്രജ്ഞന്‍ നിക്കോളാസ് ബേണ്‍സുമായി നടത്തിയ ഓണ്‍ലൈന്‍ സംവാദത്തിലാണ് രാഹുൽ ഗാന്ധി ഇക്കാര്യം പറഞ്ഞത്​. 

ഏകപക്ഷീയ തീരുമാനങ്ങൾ എടുക്കുന്ന സർക്കാരാണ് ഞങ്ങൾക്ക് ഉള്ളത്​. കഠിനമായ ലോക്ക്ഡൗൺ നടപ്പാക്കാൻ സർക്കാർ തീരുമാനിച്ചു. അതി​​െൻറ ഫലം എല്ലാവരും കണ്ടു. അന്തർ സംസ്ഥാന തൊഴിലാളികൾ ആയിരക്കണക്കിന് കിലോമീറ്ററുകൾ നടന്ന് ജന്മനാട്ടിലേക്ക് പലായനം ചെയ്യുന്നു. ഇത്തരം സാഹചര്യമുണ്ടാക്കുന്ന നേതൃത്വം സമ്പൂർണ പരാജയമാണ്​. അതേസമയം, കോവിഡ് പോരാട്ടം ഇന്ത്യ അതിജീവിക്കും. പ്രതിസന്ധി ഘട്ടത്തിൽ നിന്ന്​ രാജ്യം തിരിച്ചുവരും -രാഹുൽ വ്യക്​തമാക്കി.

 കാലാവസ്ഥാ വ്യതിയാനം പോലുള്ള വിഷയങ്ങളില്‍ ലോകരാജ്യങ്ങള്‍ തമ്മിലെ രാഷ്​ട്രീയ വൈര്യം മാറ്റിവെക്കാൻ പോകുകയാണെന്നും  ഇതുപോലുള്ള പ്രശ്‌നങ്ങള്‍ എല്ലാവരുടേയും നിലനില്‍പി​േൻറതാണെന്നും സംഭാഷണത്തിൽ ബേണ്‍സ് പറഞ്ഞു. 17 വര്‍ഷത്തിനിടയിലെ ആദ്യത്തെ പകര്‍ച്ചവ്യാധിയാണിത്. വരും വര്‍ഷങ്ങളില്‍ ഇതില്‍ കൂടുതല്‍ ഉണ്ടായേക്കാം. ആഗോള സമൂഹമായി നമുക്ക് പ്രതികരിക്കാനാകുമോ നമുക്ക് ഒരുമിച്ച് പ്രവര്‍ത്തിക്കാന്‍ കഴിയുമോ ഇതാണ് കോവിഡ് മു​േമ്പാട്ടു​െവക്കുന്ന ഏറ്റവും വലിയ വെല്ലുവിളിയെന്നും അദ്ദേഹം കൂട്ടിച്ചേർത്തു.