തമിഴ്നാട്ടിൽ ആറ് രാജ്യസഭ സീറ്റുകളിലേക്ക് ജൂൺ 19ന് തെരഞ്ഞെടുപ്പ്; ഡി.​എം.​കെ സ​ഖ്യ​ത്തി​ന് നാ​ല് സീ​റ്റു​കൾ ല​ഭി​ച്ചേ​ക്കും

ചെ​ന്നൈ: ത​മി​ഴ്‌​നാ​ട്ടി​ൽ ഒ​ഴി​വു​ള്ള ആ​റ് രാ​ജ്യ​സ​ഭാ സീ​റ്റു​ക​ളി​ലേ​ക്കു​ള്ള തെ​ര​ഞ്ഞെ​ടു​പ്പ് ജൂ​ൺ 19ന് ​ന​ട​ക്കും. ഡി.​എം.​കെ രാ​ജ്യ​സ​ഭാം​ഗ​ങ്ങ​ളാ​യ അ​ഡ്വ. വി​ൽ​സ​ൺ, എം. ​ഷ​ൺ​മു​ഖം, എം.​എം. അ​ബ്ദു​ല്ല, എം.​ഡി.​എം.​കെ നേ​താ​വ് വൈ​കോ, അ​ണ്ണാ ഡി.​എം.​കെ​യി​ലെ ച​ന്ദ്ര​ശേ​ഖ​ര​ൻ, പാ​ട്ടാ​ളി മ​ക്ക​ൾ ക​ക്ഷി നേ​താ​വ് ഡോ. ​അ​ൻ​പു​മ​ണി രാ​മ​ദാ​സ് എ​ന്നി​വ​രു​ടെ കാ​ലാ​വ​ധി അ​വ​സാ​നി​ക്കു​ക​യാ​ണ്. ഈ ​സീ​റ്റു​ക​ളി​ലേ​ക്കു​ള്ള നാ​മ​നി​ർ​ദേ​ശ പ​ത്രി​ക സ​മ​ർ​പ്പ​ണം ജൂ​ൺ ര​ണ്ട് മു​ത​ൽ ഒ​മ്പ​ത് വ​രെ ന​ട​ക്കും. ജ​ന​പ്ര​തി​നി​ധി​ക​ളു​ടെ എ​ണ്ണം ക​ണ​ക്കി​ലെ​ടു​ത്താ​ൽ ഡി.​എം.​കെ സ​ഖ്യ​ത്തി​ന് നാ​ല് രാ​ജ്യ​സ​ഭാ സീ​റ്റു​ക​ളും അ​ണ്ണാ ഡി.​എം.​കെ-​ബി.​ജെ.​പി സ​ഖ്യ​ത്തി​ന് ര​ണ്ട് സീ​റ്റു​ക​ളും ല​ഭി​ച്ചേ​ക്കും.

മ​ക്ക​ൾ നീ​തി​മ​യ്യം പ്ര​സി​ഡ​ന്റും ന​ട​നു​മാ​യ ക​മ​ൽ​ഹാ​സ​ന് ഡി.​എം.​കെ നേ​ര​ത്തെ ത​ന്നെ രാ​ജ്യ​സ​ഭ സീ​റ്റ് വാ​ഗ്ദാ​നം ന​ൽ​കി​യി​രു​ന്നു. എം.​ഡി.​എം.​കെ ജ​ന​റ​ൽ സെ​ക്ര​ട്ട​റി വൈ​കോ​ക്ക് വീ​ണ്ടും രാ​ജ്യ​സ​ഭാ സീ​റ്റ് ല​ഭി​ക്കാ​ൻ സാ​ധ്യ​ത​യി​ല്ലെ​ന്ന് റി​പ്പോ​ർ​ട്ടു​ണ്ട്. ഡി.​എം.​കെ​യു​ടെ​യും ത​മി​ഴ്നാ​ട് സ​ർ​ക്കാ​റി​ന്റെ​യും കേ​സു​ക​ളും മ​റ്റു നി​യ​മ പ്ര​ശ്ന​ങ്ങ​ളും കൈ​കാ​ര്യം ചെ​യ്യു​ന്ന സം​ഘ​ത്തി​ന് നേ​തൃ​ത്വം ന​ൽ​കു​ന്ന വി​ൽ​സ​ണി​ന് വീ​ണ്ടും സീ​റ്റ് ന​ൽ​കി​യേ​ക്കും.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പ് വേ​ള​യി​ൽ സീ​റ്റ് ധാ​ര​ണ​യു​ടെ ഭാ​ഗ​മാ​യി ഡി.​എം.​ഡി.​കെ​ക്ക് ഒ​രു രാ​ജ്യ​സ​ഭ സീ​റ്റ് വാ​ഗ്ദാ​നം ചെ​യ്തി​രു​ന്നു​വെ​ന്ന് പാ​ർ​ട്ടി നേ​താ​വ് പ്രേ​മ​ല​ത വി​ജ​യ്കാ​ന്ത് പ്ര​സ്താ​വി​ച്ചി​രു​ന്നു​വെ​ങ്കി​ലും അ​ത്ത​ര​മൊ​രു ഉ​റ​പ്പ് ന​ൽ​കി​യി​രു​ന്നി​ല്ലെ​ന്ന് അ​ണ്ണാ ഡി.​എം.​കെ ജ​ന.​സെ​ക്ര​ട്ട​റി എ​ട​പ്പാ​ടി പ​ള​നി​സാ​മി പി​ന്നീ​ട് പ​റ​ഞ്ഞി​രു​ന്നു.

അ​ണ്ണാ ഡി.​എം.​കെ​യു​ടെ പി​ന്തു​ണ​യോ​ടെ രാ​ജ്യ​സ​ഭാം​ഗ​മാ​യ ഡോ.​അ​ൻ​പു​മ​ണി രാ​മ​ദാ​സ് എം.​പി സ്ഥാ​ന​ത്ത് തു​ട​രാ​ൻ ശ്ര​മം ന​ട​ത്തു​ന്നു​ണ്ട്. ആ​സ​ന്ന​മാ​യ നി​യ​മ​സ​ഭ തെ​ര​ഞ്ഞെ​ടു​പ്പി​ൽ അ​ണ്ണാ ഡി.​എം.​കെ- ബി.​ജെ.​പി സ​ഖ്യ​ത്തി​ൽ ചേ​രാ​ൻ രാ​ജ്യ​സ​ഭ സീ​റ്റ് മു​ഖ്യ ഉ​പാ​ധി​യാ​യി ഇ​വ​ർ മു​​ന്നോ​ട്ടു​വെ​ച്ചേ​ക്കും. അ​ണ്ണാ ഡി.​എം.​കെ സ​ഖ്യ​ത്തി​ന് ല​ഭി​ച്ചേ​ക്കാ​വു​ന്ന ര​ണ്ടു സീ​റ്റു​ക​ളി​ലൊ​ന്ന് ക​ര​സ്ഥ​മാ​ക്കാ​ൻ ബി.​ജെ.​പി സം​സ്ഥാ​ന നേ​താ​ക്ക​ളി​ൽ ചി​ല​രും ച​ര​ടു​വ​ലി​ക​ൾ ന​ട​ത്തു​ന്നു​ണ്ട്.