യമുനനദി കരകവിഞ്ഞു​; ഡൽഹിയിൽ വെള്ളപ്പൊക്ക മുന്നറിയിപ്പ്​

ന്യൂഡൽഹി: യമുന നദി കരകവിഞ്ഞ്​ ഒഴുകുന്നതിനെ തുടർന്ന്​ ഡൽഹിയിൽ വെള്ളപ്പൊക്ക മുന്നറിയിപ്പ്​. നഗരത്തിലെ താഴ്​ന്ന പ്രദേശങ്ങളിൽ താമസിക്കുന്ന ജനങ്ങളെ ഒഴിപ്പിക്കാനുള്ള നീക്കങ്ങളുമായാണ്​ അധികൃതർ മുന്നോട്ട്​ പോകുകയാണ്​​. ഹരിയാനയിലെ ഹാത്​നികുണ്ഡ്​ തടയണ തുറന്നതിനെ തുടർന്നാണ്​ യമുനയിലെ ജലനിരപ്പ്​ ഉയർന്നത്​.

യമുന നദിയിലെ ജലനിരപ്പ്​ ശനിയാഴ്​ച 204.83 മീറ്ററാണ്​. നദിയിലെ ജലനിരപ്പ്​ ഇപ്പോൾ തന്നെ അപകടപരമായ അവസ്ഥയിലേക്ക്​ എത്തിയതായി അധികൃതർ അറിയിക്കുന്നു. 

യമുനയിലെ ജലനിരപ്പ്​ ഒാരോ നിമഷവും നിരീക്ഷിക്കാനും നഗരത്തിൽ വെള്ളപ്പൊക്കമുണ്ടാവുന്ന സാഹചര്യം ഒഴിവാക്കാനും ഡൽഹി ഭരണകൂടം ഉദ്യോഗസ്ഥർക്ക്​ നിർദേശം നൽകിയിട്ടുണ്ട്​. ജനങ്ങൾക്ക്​ മുന്നറിയിപ്പ്​ നൽകാൻ ദ്രുതകർമ്മ സേനയേയും വിന്യസിച്ചിട്ടുണ്ട്​.