ഗൗരി ല​േങ്കഷ്​ തട്ടിപ്പുകാരി​െയന്ന്​ സനാതൻ സൻസ്​ത

ബംഗളൂരു: കൊല്ലപ്പെട്ട മാധ്യമപ്രവർത്തക ഗൗരി ല​േങ്കഷ്​ തട്ടിപ്പുകാരിയാണെന്ന്​ സനാതൻ സൻസ്​ത. ഗൗരിയു​െട മരണത്തി​ൽ പ്രതികരണമാരാഞ്ഞ്​ ന്യൂസ്​ 18 ചാനലുകാർ സമീപിച്ചപ്പോഴായിരുന്നു പരാമർശം. ഗൗരി ല​േങ്കഷിന്​ നക്​സലുകളുമായി വ്യക്​തമായ ബന്ധമുണ്ടായിരുന്നു. കമ്മ്യൂണിസ്​റ്റ്​ ആശയങ്ങളെ പിന്തുണക്കുന്നവർ കൊല്ലപ്പെടു​േമ്പാൾ ജനങ്ങൾ പ്രശ്​നങ്ങളുണ്ടാക്കുന്നു. എന്നാൽ, ഹിന്ദുത്വ ആശയങ്ങളെ പിന്താങ്ങുന്നവർ കൊല്ലപ്പെടു​േമ്പാൾ ആർക്കും ഒരു പ്രശ്​നവും ഉണ്ടാകാറില്ലെന്നും സനാതൻ സൻസ്​തയുടെ വക്​താവ്​ ചേതൻ രാജൻ പറഞ്ഞു. തങ്ങൾ അവരെ ഒന്നും ചെയ്​തിട്ടില്ലെന്നും രാജൻ കൂട്ടിച്ചേർത്തു. 

എഴുത്തുകാരും സാമൂഹിക പ്രവർത്തകരുമായ നരേന്ദ്ര ദഭോൽക്കർ, ഗോവിന്ദ്​ പൻസാരെ, എം.എം. കൽബുർഗി എന്നിവരുടെ കൊലപാതകവുമായി ഗൗരി ല​േങ്കഷി​​െൻറ കൊലപാതകത്തിന്​ സാമ്യമുണ്ട്​. ഇവരെല്ലാം തീവ്ര ഹിന്ദുത്വത്തിനെതിരെ പ്രതികരിച്ചവരാണ്​. പൻസാരെയുടെ കൊലപാതകവുമായി സൻസ്​തയുടെ അംഗങ്ങൾക്ക്​ ബന്ധമുണ്ടെന്ന്​ പ്രത്യേകാന്വേഷണ സംഘം കണ്ടെത്തിയിരുന്നു. ദഭോൽക്കർ വധത്തിലും സൻസ്​തക്ക്​ പങ്കുണ്ടെന്ന്​ സി.ബി.െഎയും കണ്ടെത്തിയ പശ്​​ചാത്തലത്തിലാണ്​ ഗൗരി ല​​േങ്കഷി​​െൻറ കൊലപാതകവുമായി ബന്ധപ്പെട്ട്​ മാധ്യമപ്രവർത്തകർ സൻസ്​തയുടെ പ്രതികരണമാരാഞ്ഞത്​​.