അയോധ്യ കേസ്​ വിട്ടുതരികയാണെങ്കിൽ 24 മണിക്കൂറിനുള്ളിൽ പരിഹാരം- യോഗി

ന്യൂഡല്‍ഹി: അയോധ്യ കേസില്‍ അനാവശ്യ താമസം വരുത്താതെ തീരുമാനം ഉണ്ടാക്കാന്‍ സുപ്രീം കോടതി ശ്രമിക്കണമെന്ന് ഉത് തര്‍പ്രദേശ് മുഖ്യമന്ത്രി യോഗി ആദിത്യനാഥ്. പ്രശ്‌നം തങ്ങള്‍ക്കു വിട്ടുതന്നാല്‍ 24 മണിക്കൂറുകൊണ്ട് പരിഹാരം ഉണ് ടാക്കാമെന്നും അദ്ദേഹം പറഞ്ഞു.

'കോടതി അനാവശ്യമായി കേസ്​ നീട്ടിവെക്കാതെ പെട്ടെന്ന് പ്രശ്‌നപരിഹാരം ഉണ്ടാക്ക ണമെന്നാണ് എനിക്ക് പറയാനുള്ളത്. പറ്റില്ലങ്കില്‍ പ്രശ്‌നം ഞങ്ങള്‍ക്കു വിട്ടുതരിക. രാമജന്മഭൂമി തര്‍ക്കം ഞങ്ങള്‍ 24 മണിക്കൂര്‍ കൊണ്ട് പരിഹരിക്കാം. 25ാമത്തെ മണിക്കൂർ ഞങ്ങൾ അതിനുവേണ്ടി ചെലവഴിക്കില്ല'- യോഗി പറഞ്ഞു. ജനങ്ങളുടെ വിശ്വാസത്തി​​​െൻറ പ്രതീകമായ രാമക്ഷേത്രം സംബന്ധിച്ച പ്രശ്‌നം എത്രയും നേരത്തെ പരിഹരിക്കണം. അനാവശ്യമായ കാലതാമസം ഒഴിവാക്കിയില്ലെങ്കിൽ ജനങ്ങൾക്ക്​ പരമോന്നത നീതിപീഠത്തോടുള്ള വിശ്വാസം നഷ്​ടപ്പെടുമെന്നും ആദിത്യനാഥ് കൂട്ടിച്ചേർത്തു.

അയോധ്യ പ്രശ്‌നം പരിഹരിക്കപ്പെടണമെന്ന് കോണ്‍ഗ്രസിന് ആഗ്രഹമില്ല. അയോധ്യ പ്രശ്‌നം പരിഹരിക്കപ്പെടുകയും മുത്തലാഖ് തടയുന്ന നിയമം നിലവില്‍വരികയും ചെയ്താല്‍ പ്രീണനത്തി​​​െൻറ രാഷ്ട്രീയം ഇന്ത്യയില്‍ എന്നെന്നേക്കുമായി ഇല്ലാതാകുമെന്നും യോഗി പറഞ്ഞു.

ഉത്തർപ്രദേശിൽ 70 ശതമാനം വോട്ടർമാരും ബി.ജെ.പിക്കൊപ്പമാണ്​. ബാക്കി 30 ശതമാനം പേർ മാത്രമാണ്​ പ്രതിപക്ഷത്തി​​​െൻറ മഹാസഖ്യത്തോടൊപ്പമുള്ളത്​. വരുന്ന തെരഞ്ഞെടുപ്പില്‍ ബി.ജെ.പി 2014ല്‍ ലഭിച്ചതിനേക്കാള്‍ കൂടുതല്‍ സീറ്റുകള്‍ നേടുമെന്നും ആദിത്യനാഥ് പറഞ്ഞു.
കോണ്‍ഗ്രസിനെ സംബന്ധിച്ച് ഗാന്ധി കുടുംബമാണ് പാര്‍ട്ടി. അവര്‍ക്ക് ഗാന്ധി കുടുംബത്തിനപ്പുറത്തേക്ക്​ നോക്കാന്‍ സാധിക്കില്ല. ഉത്തര്‍പ്രശില്‍ പ്രിയങ്കയെ ഇറക്കിയിരിക്കുന്നത് അതി​​​െൻറ തെളിവാണെന്നും യോഗി ആദിത്യനാഥ്​ കൂട്ടിച്ചേർത്തു.