മെഡി. കോളജുകൾക്ക് അംഗീകാരം നൽകുന്നതിൽ അഴിമതി; 34 പേർക്കെതിരെ സി.ബി.ഐ കേസ്

മും​ബൈ: സ്വ​കാ​ര്യ മെ​ഡി​ക്ക​ൽ കോ​ള​ജു​ക​ളു​ടെ അം​ഗീ​കാ​ര, പു​തു​ക്ക​ൽ ന​ട​പ​ടി​ക​ളി​ൽ സ്ഥാ​പ​ന ഉ​ട​മ​ക​ളും സ​ർ​ക്കാ​ർ ഉ​ന്ന​ത​രും സ്വ​കാ​ര്യ ഇ​ട​നി​ല​ക്കാ​രും ​ചേ​ർ​ന്ന് രാ​ജ്യ​വ്യാ​പ​ക​മാ​യി ന​ട​ത്തി​വ​രു​ന്ന സം​ഘ​ടി​ത അ​ഴി​മ​തി സി.​ബി.​ഐ ക​ണ്ടെ​ത്തി. ഇ​തു​മാ​യി ബ​ന്ധ​പ്പെ​ട്ട്​ മു​ൻ യു.​ജി.​സി അ​ധ്യ​ക്ഷ​നും നി​ല​വി​ൽ ടാ​റ്റ ഇ​ൻ​സ്റ്റി​റ്റ്യൂ​ട്ട് ഓ​ഫ് സോ​ഷ്യ​ൽ സ​യ​ൻ​സ് (ടി​സ്സ്) വൈ​സ് ചാ​ൻ​സ​ല​റു​മാ​യ ഡി.​പി. സി​ങ് ഉ​ൾ​പ്പെ​ടെ 34 പേ​ർ​ക്കെ​തി​രെ സി.​ബി.​ഐ കേ​സെ​ടു​ത്തു.

ആ​രോ​ഗ്യ-​കു​ടും​ബ​ക്ഷേ​മ മ​ന്ത്രാ​ല​യം, നാ​ഷ​ന​ൽ മെ​ഡി​ക്ക​ൽ ക​മീ​ഷ​ൻ ഉ​ദ്യോ​ഗ​സ്ഥ​ർ, സ്വ​കാ​ര്യ മെ​ഡി​ക്ക​ൽ കോ​ള​ജ് പ്ര​തി​നി​ധി​ക​ൾ, ഇ​ട​നി​ല​ക്കാ​ർ തു​ട​ങ്ങി​യ​വ​രാ​ണ് ആ​രോ​പ​ണ​വി​ധേ​യ​ർ. സ്വ​കാ​ര്യ മെ​ഡി​ക്ക​ൽ കോ​ള​ജു​ക​ളു​ടെ യോ​ഗ്യ​ത​യു​മാ​യി ബ​ന്ധ​പ്പെ​ട്ട പ​രി​ശോ​ധ​ന​യു​ടെ സ​മ​യം, അ​തി​നു​വ​രു​ന്ന ഉ​ദ്യോ​ഗ​സ്ഥ​രു​ടെ പേ​ര്​ വി​വ​ര​ങ്ങ​ൾ, മേ​ലു​ദ്യോ​ഗ​സ്ഥ​രു​ടെ ര​ഹ​സ്യ സ്വ​ഭാ​വ​മു​ള്ള നി​ർ​ദേ​ശ​ങ്ങ​ൾ എ​ന്നി​വ സ്വ​കാ​ര്യ സ്ഥാ​പ​ന ഉ​ട​മ​ക​ൾ​ക്ക്​ ഉ​ദ്യോ​ഗ​സ്ഥ​ർ ചോ​ർ​ത്തി​ക്കൊ​ടു​ക്കു​ക​യും അ​നു​കൂ​ല റി​പ്പോ​ർ​ട്ട്​ നേ​ടാ​ൻ സ​ഹാ​യി​ക്കു​ക​യും ചെ​യ്യു​ന്നു എ​ന്നാ​ണ്​ ആ​രോ​പ​ണം.

പ​രി​ശോ​ധ​ന​ക്ക് ഉ​ദ്യോ​ഗ​സ്ഥ​ർ എ​ത്തു​ന്ന ദി​വ​സം മു​ൻ​കൂ​ട്ടി അ​റി​ഞ്ഞ് അ​ന്നേ ദി​വ​സം വ്യാ​ജ അ​ധ്യാ​പ​ക​രെ കൊ​ണ്ടു​വ​ന്നും വ്യാ​ജ രോ​ഗി​ക​ളെ പ്ര​വേ​ശി​പ്പി​ച്ചും മെ​ഡി​ക്ക​ൽ കോ​ള​ജു​ക​ൾ ത​ട്ടി​പ്പ്​ ന​ട​ത്തു​ന്നു. ഇ​തി​ലൂ​ടെ കോ​ടി​ക​ളു​ടെ അ​ഴി​മ​തി​യാ​ണ്​ ന​ട​ന്ന​തെ​ന്ന്​ ആ​രോ​പി​ച്ച സി.​ബി.​ഐ സ്വ​കാ​ര്യ മെ​ഡി​ക്ക​ൽ കോ​ള​ജ്​ ഉ​ട​മ​ക​ളി​ൽ നി​ന്ന്​ ല​ഭി​ക്കു​ന്ന പ​ണം ഗു​ഡ്ഗാ​വി​ലെ വീ​രേ​ന്ദ്ര കു​മാ​ർ, മെ​ഡി​ക്ക​ൽ അ​സ​സ്‌​മെ​ന്റ് ആ​ൻ​ഡ് റേ​റ്റി​ങ് ബോ​ർ​ഡി​ലെ മു​ഴു​വ​ൻ സ​മ​യ അം​ഗ​മാ​യി​രു​ന്ന ജി​തു​ലാ​ൽ മീ​ണ എ​ന്നി​വ​രി​ലൂ​ടെ​യാ​ണ് വി​ത​ര​ണം ചെ​യ്യ​പ്പെ​ടു​ന്ന​തെ​ന്നും പ​റ​യു​ന്നു.

ഫാർമസി കൗൺസിൽ മേധാവിയുടെ ഓഫിസുകളിൽ സി.ബി.ഐ റെയ്ഡ്

​ന്യൂഡ​ൽ​ഹി: ഫാ​ർ​മ​സി കൗ​ൺ​സി​ൽ ഓ​ഫ് ഇ​ന്ത്യ പ്ര​സി​ഡ​ന്റ് മോ​ണ്ടു എം. ​പ​ട്ടേ​ലി​ന്റെ ഓ​ഫി​സു​ക​ളി​ൽ സി.​ബി.​ഐ പ​രി​ശോ​ധ​ന. ഫാ​ർ​മ​സി കോ​ള​ജു​ക​ൾ​ക്ക് അം​ഗീ​കാ​രം ന​ൽ​കു​ന്ന​തി​ൽ കൈ​ക്കൂ​ലി ആ​രോ​പ​ണ​ത്തി​ന്റെ പ​ശ്ചാ​ത്ത​ല​ത്തി​ലാ​ണ് പ​രി​ശോ​ധ​ന. കേ​ന്ദ്ര ആ​രോ​ഗ്യ മ​ന്ത്രാ​ല​യം ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ സി.​ബി.​ഐ ന​ട​ത്തി​യ പ്രാ​ഥ​മി​ക ​അ​ന്വേ​ഷ​ണ​ത്തി​ൽ വ്യാ​പ​ക കൈ​ക്കൂ​ലി​യും കെ​ടു​കാ​ര്യ​സ്ഥ​ത​യും ക​ണ്ടെ​ത്തി​യ​തി​നെ തു​ട​ർ​ന്നാ​ണ് ന​ട​പ​ടി.

സ്ഥാ​പ​ന​ങ്ങ​ൾ​ക്ക് അം​ഗീ​കാ​രം ന​ൽ​കാ​ൻ നേ​രി​ട്ടു​ള്ള സ​ന്ദ​ർ​ശ​നം നി​ർ​ബ​ന്ധ​മാ​യി​രു​ന്ന​ത് 2022 ഡി​സം​ബ​റി​ൽ മോ​ണ്ടു പ​ട്ടേ​ൽ എ​ടു​ത്തു​ക​ള​ഞ്ഞി​രു​ന്നു. പ​ക​രം വി​ഡി​യോ കോ​ൺ​ഫ​റ​ൻ​സ് വ​ഴി ഓ​ൺ​ലൈ​ൻ പ​രി​ശോ​ധ​ന​യാ​ക്കി​യ​ത് വ​ൻ​തോ​തി​ൽ കൈ​ക്കൂ​ലി​ക്ക് വ​ഴി​യൊ​രു​ക്കി. അ​ടി​സ്ഥാ​ന സൗ​ക​ര്യ​ങ്ങ​ൾ തീ​രെ​യി​ല്ലാ​ത്ത സ്ഥാ​പ​ന​ങ്ങ​ൾ പോ​ലും പ​ണം ന​ൽ​കി അം​ഗീ​കാ​രം നേ​ടി​യെ​ടു​ത്തു.