ഇന്ത്യൻ സ്​​ത്രീകളെ ​ഗൾഫിൽ ജോലിക്കാരായി നിയമിക്കുന്നതിനുള്ള വ്യവസ്ഥ ഇളവ്​ ചെയ്​തു

ന്യൂഡൽഹി: വിദേശരാജ്യങ്ങളിൽ ഇന്ത്യൻ സ്​ത്രീകളെ ​വിട്ടു ജോലിക്കായി നിയമിക്കുന്നതിന്​ ഏർപ്പെടുത്തിയ വ്യവസ്ഥയിൽ  സർക്കാർ ഇളവ്​ വരുത്തി. 18 ഇ.സി.ആർ രാജ്യങ്ങളിൽ നിന്നുള്ള വ്യക്​തികൾക്ക്​ ഇന്ത്യൻ സ്​​ത്രീകളെ വീട്ടുജോലിക്കാരായി നിയമിക്കുന്നതിന്​ 2500 ഡോളർ നൽകണമെന്നായിരുന്ന നേരത്തെയുണ്ടായിരുന്ന വ്യവസ്ഥ. ഇത്​ ഇനി നൽകേണ്ടെന്നാണ് കേന്ദ്ര​ സർക്കാർ അറിയിച്ചിരിക്കുന്നത്​.

സർക്കാർ എജൻസികൾ വഴി വീട്ടുജോലിക്കാരെ നിയമിക്കുന്നവർ ഇ.സി.ആർ നിബന്ധനങ്ങൾ പാലിക്കണമായിരുന്നു. ഗൾഫ്​ രാജ്യങ്ങളെയും ഇതി​​​െൻറ പരിധിയിയിൽ ഉൾപ്പെടുത്തിരുന്നു. ഇന്ത്യയിൽ നിന്നുള്ള തൊഴിലാളികളെ സംരക്ഷിക്കുന്നതിനായാണ്​ ഇ.സി.ആർ അല്ലെങ്കിൽ എമി​ഗ്രേഷൻ ചെക്ക്​ നിബന്ധന ഏ​ർപ്പെടുത്തിയിരിക്കുന്നത്​. ചൂഷണത്തിന്​ സാധ്യതയുള്ള തൊഴിൽ മേഖലകളിൽ ജോലിയെടുക്കുന്നവർക്കാണ് പ്രധാനമായും​ ഇ.സി.ആർ ആവശ്യം. പത്തിൽ താഴെ വിദ്യാഭ്യാസമുള്ള വീട്ടുജോലിക്കായി വിദേശങ്ങളിലെത്തുന്ന സ്​​ത്രീകളെ സർക്കാർ ഇ.സി.ആർ നിബന്ധനയിൽ ഉൾപ്പെടുത്തിയിട്ടുണ്ട്​.

വിദേശത്ത്​ ​​ ജോലിക്ക്​ പോകുന്നവരുടെ ഇൻഷൂറൻസായാണ്​ 2500 ഡോളറി​​​െൻറ ബാങ്ക്​ ഗ്യാരണ്ടിയെ വിദഗ്​ധർ കണക്കാക്കിയിരുന്നത്​. എന്നാൽ ​ഗൾഫ്​ രാജ്യങ്ങളിലുൾപ്പടെ ഇന്ത്യൻ തൊഴിലാളികൾക്ക്​ തൊഴിൽ ലഭിക്കാനുള്ള സാഹചര്യം ചുരുങ്ങിയതോടെയാണ്​ ഇ.സി.ആർ. നിബന്ധനകളിൽ ഇളവ്​ വരുത്താൻ സർക്കാർ തയാറായത്​.