ബി.ജെ.പിയെ തുരത്താൻ ‘കലാപം’ പ്രഖ്യാപിച്ച് ഹേമന്ദ് സോറൻ

സാ​ഹി​ബ്ഗ​ഞ്ച്: ​പ്ര​തി​പ​ക്ഷ​മാ​യ ഇ​ൻ​ഡ്യ സ​ഖ്യം രാ​ജ്യ​ത്തു​ട​നീ​ളം ബി.​ജെ.​പി​യെ തു​ര​ത്തു​മെ​ന്നും ‘ഫ്യൂ​ഡ​ൽ’ ശ​ക്തി​ക​ൾ​ക്കെ​തി​രെ ‘ക​ലാ​പം’ പ്ര​ഖ്യാ​പി​ക്കു​ക​യാ​ണെ​ന്നും ഝാ​ർ​ഖ​ണ്ഡ് മു​ൻ മു​ഖ്യ​മ​ന്ത്രി ഹേ​മ​ന്ത് സോ​റ​ൻ. താ​ൻ ജ​യി​ലി​ൽ​നി​ന്ന് വ​ന്ന​തോ​​ടെ ബി.​ജെ.​പി പ​രി​ഭ്രാ​ന്തി​യി​ലാ​ണെ​ന്നും നേ​താ​ക്ക​ൾ ത​നി​ക്കെ​തി​രെ വീ​ണ്ടും ഗൂ​ഢാ​ലോ​ച​ന ന​ട​ത്തു​ക​യാ​ണെ​ന്നും ‘ഹു​ൽ ദി​വ​സി’​നോ​ട​നു​ബ​ന്ധി​ച്ച് ന​ട​ന്ന റാ​ലി​യി​ൽ സോ​റ​ൻ പ​റ​ഞ്ഞു. ബ്രി​ട്ടീ​ഷു​കാ​ർ​ക്കെ​തി​രാ​യ 1855ലെ ​സ​ന്താ​ൽ ക​ലാ​പ​വു​മാ​യി ബ​ന്ധ​​പ്പെ​ട്ട ദി​വ​സ​മാ​ണ് ഹു​ൽ ദി​വ​സ്. ബ്രി​ട്ടീ​ഷു​കാ​ർ​ക്കെ​തി​രാ​യ സ​ന്താ​ൽ ക​ലാ​പം പോ​ലെ രാ​ജ്യ​ത്തു​ട​നീ​ള​മു​ള്ള ഫ്യൂ​ഡ​ൽ ശ​ക്തി​ക​ളെ തു​ര​ത്താ​ൻ താ​ൻ ‘ഹു​ൽ ക​ലാ​പം’ പ്ര​ഖ്യാ​പി​ക്കു​ക​യാ​ണെ​ന്ന് സോ​റ​ൻ പ​റ​ഞ്ഞു.

ത​ന്നെ ക​ള്ള​ക്കേ​സി​ൽ കു​ടു​ക്കി​യ കേ​ന്ദ്ര​സ​ർ​ക്കാ​ർ അ​തി​നെ​തി​രെ ശ​ബ്ദ​മു​യ​ർ​ത്തു​ന്ന​വ​രെ ഉ​പ​ദ്ര​വി​ക്കാ​ൻ അ​ന്വേ​ഷ​ണ ഏ​ജ​ൻ​സി​ക​ളെ അ​ഴി​ച്ചു​വി​ടു​ക​യാ​ണ്. ജ​യി​ലി​ൽ​നി​ന്ന് പു​റ​ത്തി​റ​ങ്ങി​യി​ട്ട് ര​ണ്ടു​ദി​വ​സ​മാ​കു​മ്പോ​ഴേ​ക്കും ബി.​ജെ.​പി​യു​ടെ ഉ​ന്ന​ത നേ​താ​ക്ക​ൾ സം​സ്ഥാ​ന​ത്ത് വീ​ണ്ടും ത​നി​ക്കെ​തി​രെ ഗൂ​ഢാ​ലോ​ച​ന ന​ട​ത്തു​ക​യാ​ണെ​ന്നും സോ​റ​ൻ ആ​രോ​പി​ച്ചു.

ഝാ​ർ​ഖ​ണ്ഡ് വി​പ്ല​വ​കാ​രി​ക​ളു​ടെ നാ​ടാ​ണെ​ന്നും ജ​യി​ലി​നെ​യോ ലാ​ത്തി​യെ​യോ വ​ധ​ശി​ക്ഷ​യെ​യോ ഭ​യ​പ്പെ​ടു​ന്നി​ല്ലെ​ന്നും ജെ.​എം.​എം നേ​താ​വ് പ​റ​ഞ്ഞു. ക​ള്ള​പ്പ​ണം വെ​ളു​പ്പി​ക്ക​ൽ കേ​സി​ൽ ഝാ​ർ​ഖ​ണ്ഡ് ഹൈ​കോ​ട​തി ജാ​മ്യം അ​നു​വ​ദി​ച്ച​തി​നെ​തു​ട​ർ​ന്ന് ബി​ർ​സ മു​ണ്ട ജ​യി​ലി​ൽ​നി​ന്ന് വെ​ള്ളി​യാ​ഴ്ച​യാ​ണ് ​ഹേ​മ​ന്ദ് സോ​റ​ൻ പു​റ​ത്തി​റ​ങ്ങി​യ​ത്. ജ​നു​വ​രി 31നാ​ണ് ഇ​ദ്ദേ​ഹ​ത്തെ ഇ.​ഡി അ​റ​സ്റ്റ് ചെ​യ്ത​ത്.