സംഭൽ മസ്ജിദിൽ പ്രാർഥനക്ക് അനുമതി തേടി ഹിന്ദു മഹാസഭ

സം​ഭ​ൽ (യു.​പി): സം​ഭ​ൽ ഷാ​ഹി ജ​മാ മ​സ്ജി​ദി​ൽ പ്രാ​ർ​ഥ​ന​ക്ക് അ​നു​മ​തി തേ​ടി ഹി​ന്ദു മ​ഹാ​സ​ഭ പ്ര​വ​ർ​ത്ത​ക​ർ കോ​ട​തി​യെ സ​മീ​പി​ച്ചു. സം​ഭ​ൽ സ​ബ് ഡി​വി​ഷ​ന​ൽ മ​ജി​സ്ട്രേ​റ്റ് അ​നു​മ​തി നി​ഷേ​ധി​ച്ചു.

ന്യൂ​ഡ​ൽ​ഹി​യി​ൽ​നി​ന്ന് എ​ത്തി​യ സം​ഘ​മാ​ണ് സം​ഭ​ൽ മ​സ്ജി​ദി​ൽ ദേ​വ​ഭൂ​മി​യാ​ണെ​ന്ന് അ​വ​കാ​ശ​പ്പെ​ട്ട് ഹോ​മ​വും പൂ​ജ​യും ന​ട​ത്താ​ൻ അ​നു​മ​തി തേ​ടി​യ​ത്. സ​ബ് ഡി​വി​ഷ​ന​ൽ മ​ജി​സ്ട്രേ​റ്റ് ഓ​ഫി​സി​ന് പു​റ​ത്ത് ഹോ​മം ന​ട​ത്തി​യാ​ണ് സം​ഘം മ​ട​ങ്ങി​യ​ത്. വി​ഷ​യം കോ​ട​തി​യു​ടെ പ​രി​ഗ​ണ​ന​യി​ലാ​ണെ​ന്നും പ്രാ​ർ​ഥ​ന​ക്ക് അ​നു​മ​തി ന​ൽ​കി​യു​ള്ള കോ​ട​തി ഉ​ത്ത​ര​വു​മാ​യി വ​ന്നാ​ൽ സ​ഹ​ക​രി​ക്കാ​മെ​ന്നും സ​ബ് ഡി​വി​ഷ​ന​ൽ മ​ജി​സ്ട്രേ​റ്റ് വ​ന്ദ​ന മി​ശ്ര ഹി​ന്ദു മ​ഹാ​സ​ഭ പ്ര​വ​ർ​ത്ത​ക​രെ അ​റി​യി​ച്ചു.

മു​ഗ​ൾ കാ​ല​ഘ​ട്ട​ത്തി​ൽ ബാ​ബ​ർ ച​ക്ര​വ​ർ​ത്തി ഹ​രി​ഹ​ർ മ​ന്ദി​ർ എ​ന്ന ക്ഷേ​ത്രം ത​ക​ർ​ത്താ​ണ് സം​ഭ​ൽ ഷാ​ഹി ജ​മാ മ​സ്ജി​ദ് നി​ർ​മി​ച്ച​തെ​ന്ന് ആ​രോ​പി​ച്ച് അ​ഡ്വ. ഹ​രി​ശ​ങ്ക​ർ ജ​യി​ൻ കോ​ട​തി​യെ സ​മീ​പി​ച്ച​തോ​ടെ​യാ​ണ് പ്ര​ശ്നം ഉ​ട​ലെ​ടു​ത്ത​ത്. തു​ട​ർ​ന്ന് കോ​ട​തി നി​ർ​ദേ​ശ​പ്ര​കാ​രം ആ​ർ​ക്കി​യോ​ള​ജി​ക്ക​ൽ സ​ർ​വേ ഉ​ദ്യോ​ഗ​സ്ഥ​ർ മ​സ്ജി​ദി​ൽ പൊ​ലീ​സ് സ​ന്നാ​ഹ​ത്തോ​ടെ സ​ർ​വേ​ക്കെ​ത്തു​ക​യും ​​പ്ര​തി​ഷേ​ധി​ച്ച​വ​ർ​ക്കു നേ​രെ​യു​ണ്ടാ​യ വെ​ടി​വെ​പ്പി​ൽ അ​ഞ്ചു​പേ​ർ കൊ​ല്ല​പ്പെ​ടു​ക​യും ചെ​യ്തി​രു​ന്നു. ക​ഴി​ഞ്ഞ ദി​വ​സം അ​ല​ഹ​ബാ​ദ് ഹൈ​കോ​ട​തി ഷാ​ഹി ജ​മാ മ​സ്ജി​​ദി​നെ ത​ർ​ക്ക മ​ന്ദി​ര​മാ​യി അം​ഗീ​ക​രി​ച്ച് ഉ​ത്ത​ര​വ് പു​റ​പ്പെ​ടു​വി​ച്ചി​രു​ന്നു.