മുംബൈ ചേരിയിൽ തീപിടുത്തം; റെയിൽവെ നടപ്പാലം തകർന്നു VIDEO

മുംബൈ: ബാന്ദ്ര, ബെഹ്​റാൻ പാഡ ചേരിയിൽ തീപിടുത്തമുണ്ടായി റെയിൽവെയുടെ നടപ്പാലം തകർന്നു. നാല്​ ചേരി നിവാസികൾക്കും അഗ്​നിശമന സേന ഉദ്യോഗസ്​ഥനും പരിക്കേറ്റതായി അധികൃതർ അറിയിച്ചു. വ്യാഴാഴ്​ച ഉച്ചയോടെയാണ്​ തീപിടുത്തമുണ്ടായത്​.

മുംബൈ നഗരസഭ ചേരിയിലെ വീടൊഴിപ്പിക്കുന്നതിനിടെ സിലണ്ടർ പൊട്ടിത്തെറിക്കുകയായിരുന്നു എന്നാണ്​ പ്രാഥമിക വിവരം. ബാന്ദ്ര റെയിൽവെ സ്​റ്റേഷന്‍റെ അടുത്തോളം തീ പടർന്നെത്തി. ബാന്ദ്ര സ്​റ്റേഷനെയും സ്​റ്റേഷന്‍റെ കീഴക്കു ഭാഗത്തുള്ള പ്രദേശങ്ങളെയും ബന്ധിപ്പിക്കുന്നതാണ്​ തകർന്ന നടപ്പാലം. മുൻ കരുതലെന്നോളം ഒരു മണിക്കൂറോളം ഹാർബർ ലൈനിൽ ട്രെയിൻ ഗാതാഗതം നിറുത്തിവെച്ചിരുന്നു. 

#WATCH: Massive fire broke out in Behrampada near #Bandra station. 16 fire engines, 12 Water tankers at the spot #Mumbai pic.twitter.com/qp2quleKri

— ANI (@ANI) October 26, 2017