വ്യാജ വീഡിയോയുടെ ‘യോർക്കറി’ൽ ‘ക്ലീൻ ബൗൾഡാ’യി ഇമ്രാൻ ഖാനും

ഇസ്ലാമാബാദ്: ‘ഉത്തര്‍പ്രദേശിലെ മുസ്​ലിമുകളെ ഇന്ത്യന്‍ പോലീസ് വംശഹത്യ നടത്തുന്നു’ എന്ന തലക്കെട്ടില്‍ ട്വിറ ്ററില്‍ വ്യാജ വീഡിയോകള്‍ പങ്കുവെച്ച് പാകിസ്താന്‍ പ്രധാനമന്ത്രി ഇമ്രാന്‍ ഖാന്‍ വിവാദത്തിലായി.

ബംഗ്ലാദേശിൽ നിന്നുള്ള ഏഴ്​ വർഷം പഴക്കമുള്ള വീഡിയോകളാണ്​ ഇമ്രാൻ പങ്കുവെച്ചതെന്ന വിമർശനം ഉയർന്നതോടെ ഇവ ട്വിറ്ററിൽ നിന്ന്​ ഇമ്രാൻ നീക്കം ചെയ്​തു. വെള്ളിയാഴ്​ച വൈകീട്ട്​ പാകിസ്താനിലെ നങ്കന സാഹിബ് ഗുരുദ്വാര വളഞ്ഞ്​ ജനക്കൂട്ടം കല്ലേറ് നടത്തിയ സംഭവത്തെ ഇന്ത്യ ശക്​തമായി അപലപിച്ചതിന്​ പിന്നാലെ വൈകീട്ട്​ 7.45ഓടെയാണ്​ ‘യു.പി പൊലീസ്​ മുസ്​ലിമുകളെ വംശഹത്യ നടത്തുന്നു’ എന്ന തലക്കെ​ട്ടോടെ വീഡിയോകൾ ഇമ്രാൻ ട്വിറ്ററിലിട്ടത്​.

ബംഗ്ലാദേശില്‍നിന്നുള്ള മൂന്ന് പഴയ വീഡിയോകളാണ് ഇന്ത്യയിലേതെന്ന പേരില്‍ ഇമ്രാന്‍ പങ്കുവെച്ചതെന്ന് വാര്‍ത്താ ഏജന്‍സിയായ എ.എന്‍.ഐ. റിപ്പോര്‍ട്ട് ചെയ്തു. തുടര്‍ന്ന് 8.30ഓടെ ഇമ്രാന്‍ വ്യാജ വീഡിയോ പ്രചരിപ്പിച്ച്​ തെറ്റിദ്ധരിപ്പിക്കുകയാണെന്ന പരാമർശവുമായി യു.പി പൊലീസും രംഗത്തെത്തി. 2013 മേയ്​ ആറിന്​ ബംഗ്ലാദേശിലെ ധാക്കയില്‍ നടന്ന സംഭവത്തിന്റെ വീഡിയോ ആണ്​ ഇമ്രാൻ പ്രചരിപ്പിച്ചതെന്ന്​ അവർ തെളിവു സഹിതം വിശദമാക്കി. ഇമ്രാൻ പ്രചരിപ്പിച്ച വീഡിയോയിലെ പൊലീസുകാരുടെ യൂനി​േഫാമിൽ ആർ.എ.ബി എന്ന്​ എഴുതിയിട്ടുണ്ട്​. ബംഗ്ലാദേശ് പോലീസിൻെറ വിഭാഗമായ ആര്‍.എ.ബി (റാപ്പിഡ് ആക്ഷന്‍ ബെറ്റാലിയന്‍) ആണ് വീഡിയോയിലുള്ളതെന്നാണ്​ വാർത്താ ഏജൻസികളുടെ വിശദീകരണം.