ലോ​ക്സ​ഭാ തെ​ര​ഞ്ഞെ​ടുപ്പ്; ഇ​ക്കു​റി ഗോ​ദ​യി​ൽ 8360 പേ​ർ

ന്യൂ​ഡ​ൽ​ഹി: ലോ​ക്സ​ഭാ തെ​ര​ഞ്ഞെ​ടു​പ്പി​ൽ ഇ​ക്കു​റി മ​ത്സ​ര​രം​ഗ​ത്തു​ള്ള​ത് 8360 പേ​ർ. 1996നു​ശേ​ഷം ഏ​റ്റ​വും കൂ​ടു​ത​ൽ ആ​ളു​ക​ൾ മ​ത്സ​ര രം​ഗ​ത്തു​വ​ന്ന തെ​ര​ഞ്ഞെ​ടു​പ്പ് കൂ​ടി​യാ​ണ് പു​രോ​ഗ​മി​ച്ചു​കൊ​ണ്ടി​രി​ക്കു​ന്ന​ത്. 96ൽ, 543​സീ​റ്റു​ക​ളി​ലേ​ക്ക് 13,952 പേ​ർ മ​ത്സ​രി​ച്ചി​രു​ന്നു. ക​ഴി​ഞ്ഞ ത​വ​ണ മ​ത്സ​ര​രം​ഗ​ത്തു​ണ്ടാ​യി​രു​ന്ന​ത് 8,039 പേ​രാ​ണ്. ഏ​ഴ് ഘ​ട്ട​ങ്ങ​ളി​ലാ​യി ന​ട​ക്കു​ന്ന തെ​ര​ഞ്ഞെ​ടു​പ്പി​ൽ നാ​ലാം ഘ​ട്ട​ത്തി​ലാ​ണ് ഏ​റ്റ​വും കൂ​ടു​ത​ൽ ആ​ളു​ക​ൾ മ​ത്സ​രി​ച്ച​ത് -1717. ആകെ സ്ഥാനാർഥികളിൽ വനിതകൾ 797 മാ​ത്രമാണ്.

ഇ​ന്ത്യ​യു​ടെ തെ​ര​ഞ്ഞെ​ടു​പ്പ് ച​രി​ത്രം പ​രി​ശോ​ധി​ക്കു​മ്പോ​ൾ, ആ​ദ്യ തെ​ര​ഞ്ഞെ​ടു​പ്പി​ൽ മ​ത്സ​രി​ച്ച​വ​രേ​ക്കാ​ൾ നാ​ല് മ​ട​ങ്ങാ​യി​ട്ടു​ണ്ട് ഇ​പ്പോ​ൾ സ്ഥാ​നാ​ർ​ഥി​ക​ളു​ടെ എ​ണ്ണം. 1952ലെ ​ഒ​ന്നാം പൊ​തു​തെ​ര​ഞ്ഞെ​ടു​പ്പി​ൽ 1874 പേ​രാ​ണ് മ​ത്സ​രി​ച്ച​ത്. ഒ​ന്നാം തെ​ര​ഞ്ഞെ​ടു​പ്പി​ൽ ഒ​രു മ​ണ്ഡ​ല​ത്തി​ലെ ശ​രാ​ശ​രി സ്ഥാ​നാ​ർ​ഥി​ക​ളു​ടെ എ​ണ്ണം 4.67 ആ​യി​രു​ന്ന​ത് ഇ​പ്പോ​ൾ 15.39 ആ​യി ഉ​യ​ർ​ന്നു.

ആ​ദ്യ അ​ഞ്ച് തെ​ര​ഞ്ഞെ​ടു​പ്പു​ക​ളി​ലൂം സ്ഥാ​നാ​ർ​ഥി ശ​രാ​ശ​രി മൂ​ന്നു മു​ത​ൽ അ​ഞ്ച് ​വ​രെ​യാ​യി​രു​ന്നു. എ​ന്നാ​ൽ, അ​ടി​യ​ന്ത​രാ​വ​സ്ഥ​ക്കു​ശേ​ഷം ന​ട​ന്ന ’77ലെ ​തെ​ര​ഞ്ഞെ​ടു​പ്പി​ൽ സ്ഥാ​നാ​ർ​ഥി​ക​ളു​ടെ എ​ണ്ണം 14.8 ആ​യി ഉ​യ​ർ​ന്നു. ഏ​റ്റ​വും കൂ​ടു​ത​ൽ ആ​ളു​ക​ൾ മ​ത്സ​രി​ച്ച ’96ലെ ​തെ​ര​ഞ്ഞെ​ടു​പ്പി​ൽ ഓ​രോ മ​ണ്ഡ​ല​ത്തി​ലും ശ​രാ​ശ​രി 25 സ്ഥാ​നാ​ർ​ഥി​ക​ളെ​ങ്കി​ലു​മു​ണ്ടാ​യി​രു​ന്നു.