സർക്കാരിലുള്ള വിശ്വാസം നഷ്​ടമായെന്ന്​ കത്തോലിക്ക സഭ

ന്യൂഡൽഹി: കൃസ്​ത്യൻ സമൂഹത്തിന്​ സർക്കാരിലുള്ള വിശ്വാസം നഷ്​ടമായെന്ന്​ കത്തോലിക്ക സഭ. മധ്യ പ്രദേശിലെ സട്​നയിൽ 30 ഒാളം വൈദികർക്കും പ​ുരോഹിത വിദ്യാർത്ഥികൾക്കും​​ നേരെ നടന്ന ആക്രമത്തിൽ കുറ്റവാളികളെ കണ്ടെത്താൻ പോലും ശ്രമിക്കാതെ ആക്രമിക്കപ്പെട്ട വൈദികരെ അറസ്​റ്റ്​ ചെയ്​ത നടപടിയിലൂടെ സഭക്കും കൃസ്​ത്യൻ സമൂഹത്തിനും കേന്ദ്ര സർക്കാരിലുള്ള വിശ്വാസം  പൂർണമായും നഷ്​ടമായെന്ന്​ കാതലിക്​ ബിഷപ്​സ്​ കോൺഫറൻസ്​ ഒാഫ്​ ഇന്ത്യയുടെ പ്രസിഡൻറ്​ കർദിനാൾ ബസേലിയസ്​ ക്ലീമിസ്​ പറഞ്ഞു. 

ബിജെപി ഭരിക്കുന്ന മധ്യപ്രദേശിലെ സട്​നക്കടുത്തുള്ള ഗ്രാമത്തിൽ ക്രിസ്​മസ്​ കരോൾ സംഘമായി ചെന്ന വൈദികരെയും പുരോഹിത വിദ്യാർത്ഥികളെയും ബജ്​റംഗ്​ ദൾ പ്രവർത്തകരുടെ പരാതിപ്രകാരം പൊലീസ്​ കസ്​റ്റഡിയിലെടുക്കുകയായിരുന്നു. ഗ്രാമത്തിലുള്ളവരെ മതം മാറ്റുന്നുവെന്നായിരുന്നു പരാതി. ഒരു വൈദികനെ മതം മാറ്റ വിരുദ്ധ നിയമം അനുസരിച്ച്​ അറസ്​റ്റ്​ ചെയ്യുകയും ചെയ്​തു.

ഇന്ത്യ പോലുള്ള വലിയ രാജ്യത്ത്​ ഇത്തരം സംഭവങ്ങൾ സ്വാഭാവികമായിരിക്കാം. വൈദികർക്ക്​​ നേരെയുള്ള ആക്രമം ഉദ്ധരിച്ച്​ കർദിനാൾ പറഞ്ഞു.  പക്ഷെ സർകാറി​​​െൻറ ഭാഗത്ത്​ നിന്നുള്ള നടപടിയാണ്​ ഞങ്ങളെ ഞെട്ടിച്ചത്​. നിയമപരമായ സുരക്ഷയും നീതിപൂർവ്വമായ നടപടിയുമാണ്​ ഞങ്ങളുടെ ആവശ്യമെന്നും കർദിനാൾ ബസേലിയസ്​ ക്ലീമിസ്​ കൂട്ടിച്ചേർത്തു. 

രാജ്യം മതത്തി​​​െൻറയും ജാതിയുടെയും പേരിൽ വേർതിരിക്കപ്പെട്ടിരിക്കുകയാണ്​. ഒരു ജനാധിപത്യ രാജ്യത്തിന്​ ഇത്​ ഭൂഷണമല്ല. മതേതര ഇന്ത്യക്ക്​ വേണ്ടി ഒരുമിച്ച്​ പോരാടണമെന്നും കർദിനാൾ ആഹ്വാനം ചെയ്​തു.  

സട്​നയിൽ നടന്ന ആക്രമത്തി​​​െൻറ പിന്നിലുള്ള കാരണങ്ങൾ എന്താണെന്നറിയില്ല. വ്യക്​തമായ തെളിവ്​ ലഭ്യമായിട്ടില്ല. മുൻ കൂട്ടി തീരുമാനിച്ചുള്ള ആക്രമമാണ് അവിടെ നടന്നത്​​. മതം മാറ്റവുമായി ബന്ധപ്പെട്ട ആരോപണങ്ങളിൽ അർത്ഥമില്ലെന്നും കർദിനാൾ പറഞ്ഞു.

കർദിനാളി​​​െൻറ നേതൃത്വത്തിലുള്ള സംഘം കേന്ദ്ര ആഭ്യന്തര മന്ത്രി രാജ്​നാഥ്​ സിങിനെ കണ്ട്​ വേദന പങ്ക്​ വെക്കുകയും നീതി ആവശ്യപ്പെടുകയും ചെയ്​തിരുന്നു. കേന്ദ്ര മന്ത്രി അൽഫോൻസ്​ കണ്ണന്താനവും രാജ്യസഭാ വൈസ്​ ചെയർമാൻ പി.ജെ കുര്യനും ​യോഗത്തിൽ സന്നിഹിതരായിരുന്നു.