ഗി​ല്ല​ൻ​ബാ​രി സി​ൻ​ഡ്രോം: ഒരു മരണം

പു​ണെ: മ​ഹാ​രാ​ഷ്ട്ര​യി​ലെ സോ​ലാ​പൂ​ർ ജി​ല്ല​യി​ൽ ഗി​ല്ല​ൻ​ബാ​രി സി​ൻ​ഡ്രോം (ജി.​ബി.​എ​സ്) എ​ന്ന അ​പൂ​ർ​വ രോ​ഗം ബാ​ധി​ച്ച​താ​യി സം​ശ​യി​ക്കു​ന്ന ഒ​രാ​ൾ മ​രി​ച്ചു. രോ​ഗ​പ്ര​തി​രോ​ധ നാ​ഡീ സം​വി​ധാ​ന​ത്തെ ബാ​ധി​ക്കു​ന്ന ജി.​ബി.​എ​സ് രോ​ഗ​ബാ​ധ സം​ശ​യി​ക്കു​ന്ന മ​ഹാ​രാ​ഷ്ട്ര​യി​ലെ ആ​ദ്യ മ​ര​ണ​മാ​ണി​ത്.

സോ​ലാ​പൂ​ർ സ്വ​ദേ​ശി​യാ​യ 40കാ​ര​ന് പു​ണെ​യി​ൽ വെ​ച്ചാ​ണ് രോ​ഗം ബാ​ധി​ച്ച​തെ​ന്ന് സം​ശ​യി​ക്കു​ന്ന​താ​യി ഉ​ദ്യോ​ഗ​സ്ഥ​ർ പ​റ​ഞ്ഞു. ശ്വാ​സ​ത​ട​സ്സം, കൈ​കാ​ലു​ക​ളി​ലെ ബ​ല​ഹീ​ന​ത, വ​യ​റി​ള​ക്കം തു​ട​ങ്ങി​യ രോ​ഗ​ല​ക്ഷ​ണ​ങ്ങ​​ളോ​ടെ ജ​നു​വ​രി 18നാ​ണ് സോ​ലാ​പൂ​രി​ലെ സ്വ​കാ​ര്യ ആ​ശു​പ​ത്രി​യി​ൽ ഇ​യാ​ളെ പ്ര​വേ​ശി​പ്പി​ച്ച​ത്. വെൻറി​ലേ​റ്റ​ർ സ​ഹാ​യ​ത്തോ​ടെ ജീ​വ​ൻ നി​ല​നി​ർ​ത്തി​യി​രു​ന്ന ഇ​​ദ്ദേ​ഹം ഞാ​യ​റാ​ഴ്ച​യാ​ണ് മ​രി​ച്ച​തെ​ന്ന് സോ​ലാ​പൂ​ർ സ​ർ​ക്കാ​ർ മെ​ഡി​ക്ക​ൽ കോ​ള​ജ് ഡീ​ൻ ഡോ. ​സ​ഞ്ജീ​വ് താ​ക്കൂ​ർ പ​റ​ഞ്ഞു.

രാജ്യമാകെ പാമ്പുകടി മരണങ്ങൾ; നടപടിയെടുക്കൂ -സുപ്രീംകോടതി

ന്യൂ​ഡ​ൽ​ഹി: രാ​ജ്യ​മാ​കെ പാ​മ്പു​ക​ടി​യേ​റ്റു​ള്ള മ​ര​ണ​ങ്ങ​ൾ വ​ർ​ധി​ക്കു​ക​യാ​ണെ​ന്നും മി​ക​ച്ച ചി​കി​ത്സ​യൊ​രു​ക്കാ​ൻ സം​സ്ഥാ​ന​ങ്ങ​ൾ​ക്ക് കേ​ന്ദ്ര​സ​ർ​ക്കാ​ർ നി​ർ​ദേ​ശം ന​ൽ​ക​ണ​മെ​ന്നും സു​പ്രീം​കോ​ട​തി. പാ​മ്പു​ക​ടി​യേ​റ്റാ​ൽ കു​ത്തി​വെ​ക്കാ​നു​ള്ള ആ​ന്റി​വെ​ന​ത്തി​ന് ക​ടു​ത്ത ക്ഷാ​മ​മാ​ണെ​ന്നും എ​ല്ലാ പ്രാ​ഥ​മി​ക​​ആ​രോ​ഗ്യ കേ​ന്ദ്ര​ങ്ങ​ളി​ലും സ​ർ​ക്കാ​ർ ആ​ശു​പ​ത്രി​ക​ളി​ലും മെ​ഡി​ക്ക​ൽ കോ​ള​ജു​ക​ളി​ലും ല​ഭ്യ​മാ​ക്ക​ണ​മെ​ന്നു​മാ​വ​ശ്യ​പ്പെ​ട്ട് ഷൈ​ലേ​ന്ദ്ര മ​ണി ​ത്രി​പാ​ഠി സ​മ​ർ​പ്പി​ച്ച ഹ​ര​ജി പ​രി​ഗ​ണി​ക്ക​വെ​യാ​ണ് സു​പ്രീം​കോ​ട​തി പ​രാ​മ​ർ​ശം. എ​ല്ലാ സം​സ്ഥാ​ന​ങ്ങ​ളു​ടെ​യും പ്ര​തി​നി​ധി​ക​ളു​ടെ യോ​ഗം വി​ളി​ച്ച് പ്ര​ശ്ന​ത്തി​ന് പ​രി​ഹാ​രം കാ​ണ​ണ​മെ​ന്ന് ജ​സ്റ്റി​സു​മാ​രാ​യ ബി.​ആ​ർ. ഗ​വാ​യ്, എ​സ്.​വി.​എ​ൻ. ഭാ​ട്ടി എ​ന്നി​വ​ര​ട​ങ്ങു​ന്ന ബെ​ഞ്ച് നി​ർ​ദേ​ശം ന​ൽ​കി.