അനധികൃത ശിശുസംരക്ഷണ കേന്ദ്രം: ഭോപാലിൽ മലയാളി വൈദികൻ അറസ്റ്റിൽ

ഭോ​പാ​ൽ: അ​ന​ധി​കൃ​ത ശി​ശു​സം​ര​ക്ഷ​ണ​കേ​ന്ദ്രം ന​ട​ത്തി മ​ത​പ​രി​വ​ർ​ത്ത​ന​ത്തി​ന് ശ്ര​മി​ച്ചെ​ന്ന കേ​സി​ൽ ഭോ​പാ​ലി​ൽ മ​ല​യാ​ളി വൈ​ദി​ക​ൻ അ​റ​സ്റ്റി​ൽ. സി.​എം.​ഐ സ​ഭ​യി​ലെ വൈ​ദി​ക​ൻ ഫാ​ദ​ർ അ​നി​ൽ മാ​ത്യു​വി​നെ​യാ​ണ് അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു.

സ​ഭ ന​ട​ത്തു​ന്ന ‘എ​യ്ഞ്ച​ൽ ബാ​ല​ഗൃ​ഹ’ ശി​ശു​സം​ര​ക്ഷ​ണ​കേ​ന്ദ്ര​ത്തി​ന് സ​ർ​ക്കാ​ർ ലൈ​സ​ൻ​സ് പു​തു​ക്കി ന​ൽ​കി​യി​രു​ന്നി​ല്ല. പി​ന്നാ​ലെ ബാ​ലാ​വ​കാ​ശ ക​മീ​ഷ​ൻ ന​ട​ത്തി​യ പ​രി​ശോ​ധ​ന​യി​ൽ ര​ജി​സ്റ്റ​ർ പ്ര​കാ​ര​മു​ള്ള 68 കു​ട്ടി​ക​ളി​ൽ 26 പേ​രെ കാ​ണാ​നി​ല്ലെ​ന്ന് ക​ണ്ടെ​ത്തു​ക​യും കേ​സെ​ടു​ക്കു​ക​യും ചെ​യ്തു. എ​ന്നാ​ൽ, ഇ​വ​ർ പ​ഠ​നം ക​ഴി​ഞ്ഞ് വീ​ടു​ക​ളി​ലേ​ക്ക് മ​ട​ങ്ങി​യ​താ​ണെ​ന്ന് ക​ല​ക്ട​ർ ന​ട​ത്തി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യി. ഇ​തി​നു പി​ന്നാ​ലെ​യാ​ണ് ജു​വ​നൈ​ൽ ജ​സ്റ്റി​സ് ആ​ക്ട് പ്ര​കാ​ര​മ​ല്ല ​സ്ഥാ​പ​നം ന​ട​ത്തു​ന്ന​തെ​ന്നും മ​ത​പ​രി​വ​ർ​ത്ത​ന​ശ്ര​മം ന​ട​ത്തി​യെ​ന്നും ആ​രോ​പി​ച്ച് കേ​സെ​ടു​ത്ത് വൈ​ദി​ക​നെ അ​റ​സ്റ്റ് ചെ​യ്ത​ത്.

എ​ന്നാ​ൽ, ആ​രോ​പ​ണ​ങ്ങ​ൾ സി.​എം.​ഐ വി​കാ​ർ ​പ്രൊ​വി​ൻ​ഷ്യാ​ൾ ഫാ​ദ​ർ ജോ​ൺ ഷി​ബു പ​ള്ളി​പ്പാ​ട്ട് നി​ഷേ​ധി​ച്ചു. ശി​ശു​സം​ര​ക്ഷ​ണ​കേ​ന്ദ്ര​മ​ല്ല, പെ​ൺ​കു​ട്ടി​ക​ൾ​ക്കാ​യു​ള്ള ഹോ​സ്റ്റ​ൽ മാ​ത്ര​മാ​ണി​തെ​ന്നും സം​സ്ഥാ​ന വി​ദ്യാ​ഭ്യാ​സ വ​കു​പ്പി​ന് കീ​ഴി​ൽ ഓ​ൺ​ലൈ​നാ​യി ര​ജി​സ്റ്റ​ർ ചെ​യ്തി​ട്ടു​ണ്ടെ​ന്നും അ​ദ്ദേ​ഹം വി​ശ​ദീ​ക​രി​ച്ചു.