മംഗളൂരു വെ​ടി​വെ​പ്പും മാ​ധ്യ​മ​പ്ര​വ​ർ​ത്ത​ക​രെ ത​ട​ഞ്ഞ​തും അ​ന്വേ​ഷിക്കാൻ ഉ​ത്ത​ര​വി​ട്ടു

ബം​ഗ​ളൂ​രു: മം​ഗ​ളൂ​രു ന​ഗ​ര​ത്തി​ലെ അ​ഞ്ച്​ പൊ​ലീ​സ്​ സ്​​റ്റേ​ഷ​ൻ പ​രി​ധി​ക​ളി​ൽ ഏ​ർ​പ്പെ​ടു​ത്തി​യി​രു​ന്ന ക​ർ​ഫ്യൂ​വി​ന്​ അ​ൽ​പ സ​മ​യം ഇ​ള​വു​ വ​രു​ത്തി. ശ​നി​യാ​ഴ്​​ച വൈ​കീ​ട്ട്​ മൂ​ന്നു മു​ത​ൽ ആ​റു വ​രെ​യും ഞാ​യ​റാ​ഴ്​​ച പ​ക​ൽ മു​ഴു​വ​നു​മാ​ണ്​ ക​ർ​ഫ്യു​വി​ൽ ഇ​ള​വ്. സ്​​ഥി​തി​ഗ​തി​ക​ൾ വി​ല​യി​രു​ത്തി​യ ശേ​ഷം തി​ങ്ക​ളാ​ഴ്​​ച ക​ർ​ഫ്യൂ നി​യ​ന്ത്ര​ണം പൂ​ർ​ണ​മാ​യും പി​ൻ​വ​ലി​ക്കു​മെ​ന്ന്​ മു​ഖ്യ​മ​ന്ത്രി ബി.​എ​സ്. യെ​ദി​യൂ​ര​പ്പ പ​റ​ഞ്ഞു. മം​ഗ​ളൂ​രു​വി​ലെ​ത്തി​യ മു​ഖ്യ​മ​ന്ത്രി ഉ​ന്ന​ത പൊ​ലീ​സ്​ ഉ​ദ്യോ​ഗ​സ്​​ഥ​രു​മാ​യും മു​സ്​​ലിം സ​മു​ദാ​യ നേ​താ​ക്ക​ളു​മാ​യും കൂ​ടി​ക്കാ​ഴ്​​ച ന​ട​ത്തി.

അ​തേ​സ​മ​യം, പ്ര​തി​ഷേ​ധ​ക്കാ​ർ​ക്കു​നേ​രെ​യു​ണ്ടാ​യ പൊ​ലീ​സ്​ വെ​ടി​വെ​പ്പി​ൽ ര​ണ്ടു​പേ​ർ കൊ​ല്ല​പ്പെ​ട്ട സം​ഭ​വ​ത്തി​ൽ അ​ന്വേ​ഷ​ണം ന​ട​ത്തു​മെ​ന്ന്​ മു​ഖ്യ​മ​ന്ത്രി അ​റി​യി​ച്ചു. റി​പ്പോ​ർ​ട്ട്​ ന​ൽ​കാ​ൻ ഡി.​ജി.​പി​യോ​ട്​ നി​ർ​ദേ​ശി​ച്ചു. കേ​ര​ള​ത്തി​ൽ​നി​ന്നു​ള്ള മാ​ധ്യ​മ​പ്ര​വ​ർ​ത്ത​ക​രെ വെ​ള്ളി​യാ​ഴ്​​ച പൊ​ലീ​സ്​ അ​ന്യാ​യ​മാ​യി ത​ട​ങ്ക​ലി​ൽ വെ​ക്കു​ക​യും റി​പ്പോ​ർ​ട്ടി​ങ്​ ത​ട​യു​ക​യും ചെ​യ്​​ത സം​ഭ​വ​ത്തി​ലും അ​ന്വേ​ഷ​ണം പ്ര​ഖ്യാ​പി​ച്ചു.

ഇ​ക്കാ​ര്യ​ത്തി​ൽ റി​പ്പോ​ർ​ട്ട്​ തേ​ടി​യ​താ​യും ഏ​തു ത​ര​ത്തി​ലു​ള്ള അ​ന്വേ​ഷ​ണം വേ​ണ​മെ​ന്ന​ത് മ​ന്ത്രി​സ​ഭാ യോ​ഗ​ത്തി​നു ശേ​ഷം തീ​രു​മാ​നി​ക്കു​മെ​ന്നും ജു​ഡീ​ഷ്യ​ല്‍ അ​ന്വേ​ഷ​ണ​ത്തി​ന് ഇ​തു​വ​രെ തീ​രു​മാ​ന​മാ​യി​ട്ടി​ല്ലെ​ന്നും അ​​ദ്ദേ​ഹം വ്യ​ക്ത​മാ​ക്കി.