ട്രെയിനിലെ കൂട്ടക്കൊല; താൻ മാനസികരോഗിയെന്ന്​ ജാമ്യാപേക്ഷയിൽ പ്രതി

മും​ബൈ: ജ​യ്പു​ർ-​മും​ബൈ ട്രെ​യി​നി​ൽ മേ​ലു​ദ്യോ​ഗ​സ്ഥ​നെ​യും മൂ​ന്ന്​ യാ​ത്ര​ക്കാ​രെ​യും വെ​ടി​വെ​ച്ചു​കൊ​ന്ന കേ​സി​ൽ പ്ര​തി മു​ൻ ആ​ർ.​പി.​എ​ഫ് കോ​ൺ​സ്റ്റ​ബി​ൾ ചേ​ത​ൻ​സി​ങ്​ ചൗ​ധ​രി ജാ​മ്യാ​പേ​ക്ഷ ന​ൽ​കി. മാ​ന​സി​ക രോ​ഗി​യാ​ണെ​ന്ന്​ അ​വ​കാ​ശ​പ്പെ​ട്ടാ​ണ്​ ബു​ധ​നാ​ഴ്ച ദീ​ൻ​ദോ​ഷി സെ​ഷ​ൻ​സ്​ കോ​ട​തി​യി​ൽ അ​ഭി​ഭാ​ഷ​ക​ർ മു​ഖേ​ന അ​പേ​ക്ഷ ന​ൽ​കി​യ​ത്. വ​ർ​ഷ​ങ്ങ​ളാ​യി ത​നി​ക്ക് മാ​ന​സി​കാ​രോ​ഗ്യ പ്ര​ശ്‌​ന​ങ്ങ​ളു​ണ്ടെ​ന്നും കു​ടും​ബ​ത്തി​ന് ഇ​ക്കാ​ര്യം അ​റി​യാ​മെ​ന്നും ഹ​ര​ജി​യി​ൽ പ​റ​യു​ന്നു. ജ​യി​ലി​ൽ മ​റ​വി, ബ​ല​ഹീ​ന​ത ല​ക്ഷ​ണ​ങ്ങ​ൾ പ്ര​ക​ട​മാ​കു​ന്ന​താ​യും അ​വ​കാ​ശ​പ്പെ​ടു​ന്നു.

പ്ര​തി​യു​ടെ ജാ​മ്യാ​പേ​ക്ഷ​യി​ൽ മ​റു​പ​ടി ന​ൽ​കാ​ൻ ആ​വ​ശ്യ​പ്പെ​ട്ട കോ​ട​തി ഹ​ര​ജി പ​രി​ഗ​ണി​ക്കു​ന്ന​ത് ഡി​സം​ബ​ർ ഒ​ന്നി​ലേ​ക്ക്​ മാ​റ്റി. അ​തേ​സ​മ​യം, പ്ര​തി​ക്ക്​ മാ​ന​സി​ക പ്ര​ശ്​​ന​ങ്ങ​ളി​ല്ലെ​ന്നും ബോ​ധ​പൂ​ർ​വം പ്ര​ത്യേ​ക മ​ത​വി​ഭാ​ഗ​ത്തി​ൽ​പ്പെ​ട്ട യാ​ത്ര​ക്കാ​രെ തി​ര​ഞ്ഞു​പി​ടി​ച്ച്​ വെ​ടി​വെ​ക്കു​ക​യാ​യി​രു​ന്നു​വെ​ന്നു​മാ​ണ്​ സ​ർ​ക്കാ​ർ റെ​യി​ൽ​വേ പൊ​ലീ​സ്​ കോ​ട​തി​യി​ൽ ന​ൽ​കി​യ കു​റ്റ​പ​ത്ര​ത്തി​ൽ പ​റ​യു​ന്ന​ത്.

ജോ​ലി​സ​മ​യം തീ​രു​ന്ന​തി​നു​മു​മ്പ്​ മ​റ്റൊ​രു റെ​യി​ൽ​വേ സ്​​റ്റേ​ഷ​നി​ൽ ഇ​റ​ങ്ങി​പ്പോ​കാ​ൻ അ​നു​വ​ദി​ക്കാ​ത്ത​തി​ലു​ള്ള വൈ​രാ​ഗ്യ​ത്താ​ലാ​ണ്​ മേ​ലു​ദ്യോ​ഗ​സ്ഥ​നാ​യ എ.​എ​സ്.​ഐ ടി​ക്കാ​റാം മീ​ണ​യെ വെ​ടി​വെ​ച്ചു​കൊ​ന്ന​തെ​ന്നു​മാ​ണ്​ കു​റ്റ​പ​ത്ര​ത്തി​ൽ പ​റ​യു​ന്ന​ത്. അ​സ്ഗ​ർ അ​ലി അ​ബ്ബാ​സ്, അ​ബ്ദു​ൽ കാ​ദ​ർ ഭാ​ൻ​പു​ർ​വാ​ല, സ​യ്യി​ദ് സൈ​ഫു​ദ്ദീ​ൻ എ​ന്നി​വ​രാ​ണ്​ കൊ​ല്ല​പ്പെ​ട്ട യാ​ത്ര​ക്കാ​ർ. കൂ​ട്ട​ക്കൊ​ല​യെ തു​ട​ർ​ന്ന്​ ചേ​ത​ൻ സി​ങ്​ ചൗ​ധ​രി​യെ ആ​ർ.​പി.​എ​ഫ്​ സ​ർ​വി​സി​ൽ​നി​ന്ന് പു​റ​ത്താ​ക്കി​യി​രു​ന്നു.