മുംബൈ മേയർ സ്ഥാനം ശിവസേനക്ക്​

മുംബൈ: മുംബൈ മേയർ സ്ഥാനം ശിവസേനക്ക്​ ലഭിക്കുമെന്ന്​ ഉറപ്പായി. ശിവസേനക്ക്​ മേയർ പദവി ലഭിക്കുന്നതിനെ എതിർക്കി​ല്ലെന്ന്​ ബി.ജെ.പി വ്യക്​തമാക്കി. ​ബൃഹാൻമുംബൈ മുൻസിപ്പൽ കോർപ്പറേഷൻ ഭരണം പിടിക്കുന്നതിനായി ബി.ജെ.പിയും ശിവസേനയും തമ്മിൽ കടുത്ത മൽസരമാണ്​ നടത്തിയത്​. തെരഞ്ഞെടുപ്പിൽ കൂടുതൽ സീറ്റുകൾ ലഭിച്ചത്​ ശിവസേനക്കായിരുന്നു.

മഹാരാഷ്​ട്രയിലെ ജനങ്ങൾ ബി.ജെ.പിയെ ബഹുമാനിക്കുന്നുണ്ട്​. മുംബൈ കോർപ്പറേഷനിലെ സ്​റ്റാൻഡിങ്​ കമ്മിറ്റി തെരഞ്ഞെടുപ്പിൽ ബി.ജെ.പി മൽസരിക്കില്ലെന്നും എന്നാൽ ശിവസേനക്ക്​ പിന്തുണ നൽകുമെന്നും മഹാരാഷ്​ട്ര മുഖ്യമന്ത്രി ദേവേന്ദ്ര ഫട്​നാവിസ്​ വ്യക്​തമാക്കി. കോർപ്പറേഷനിൽ പ്രതിപക്ഷത്തിരിക്കില്ലെന്നും അദ്ദേഹം പറഞ്ഞു.