മുസ്‍ലിം ഒ.ബി.സി ക്വോട്ട: സമ്മർദവുമായി പാർല​മെന്ററി സമിതി

ന്യൂ​ഡ​ൽ​ഹി: ന്യൂ​ന​പ​ക്ഷ പ​ദ​വി​യു​ള്ള കേ​ന്ദ്ര സ​ർ​വ​ക​ലാ​ശാ​ല​ക​ളാ​യ ഡ​ൽ​ഹി ജാ​മി​അ മി​ല്ലി​യ ഇ​സ്‍ലാ​മി​യ​യി​ലും (ജെ.​എം.​ഐ), അ​ലീ​ഗ​ഢ് മു​സ്‌​ലിം സ​ർ​വ​ക​ലാ​ശാ​ല​യി​ലും (എ.​എം.​യു) ഒ.​ബി.​സി മു​സ്‍ലിം, എ​സ്.​ടി മു​സ്‍ലിം സം​വ​ര​ണം ന​ട​പ്പാ​ക്കാ​നു​ള്ള ശ്ര​മ​ത്തി​ന് പാ​ർ​ല​മെ​ന്റ​റി സ​മി​തി.

വി​ദ്യാ​ഭ്യാ​സ മ​ന്ത്രാ​ല​യ​ത്തി​ലെ ഉ​ദ്യോ​ഗ​സ്ഥ​രു​മാ​യും ജെ.​എം.​ഐ, എം.​എം.​യു പ്ര​തി​നി​ധി​ക​ളു​മാ​യും പി​ന്നാ​ക്ക, ഒ.​ബി.​സി വി​ഭാ​ഗ​ങ്ങ​ളു​ടെ ക്ഷേ​മ​ത്തി​നാ​യു​ള്ള പാ​ർ​ല​മെ​ന്റ​റി സ​മി​തി കൂ​ടി​ക്കാ​ഴ്ച ന​ട​ത്തും. വി​ദ്യാ​ർ​ഥി പ്ര​വേ​ശ​ന​ത്തി​ലും ജോ​ലി​യി​ലും ഒ.​ബി.​സി മു​സ്‍ലിം, എ​സ്.​ടി മു​സ്‍ലിം വി​ഭാ​ഗ​ത്തി​ന്റെ പ്രാ​തി​നി​ധ്യം ഉ​റ​പ്പാ​ക്കു​ന്ന​തി​ന് സ്ഥാ​പ​ന​ങ്ങ​ൾ എ​​ന്തൊ​ക്കെ ന​ട​പ​ടി സ്വീ​ക​രി​ച്ചു എ​ന്ന് വി​ശ​ദീ​ക​ര​ണം തേ​ടും. ജൂ​ൺ 13നാ​ണ് യോ​ഗം.

ഒ.​ബി.​സി മു​സ്‍ലിം, എ​സ്.​ടി മു​സ്‍ലിം എ​ന്നി​വ​ർ​ക്ക് സം​വ​ര​ണ​മി​ല്ലാ​ത്ത ന്യൂ​ന​പ​ക്ഷ സ്ഥാ​പ​ന​ങ്ങ​ളാ​ണ് ഇ​വ​യെ​ന്ന് മ​ന​സ്സി​ലാ​യി​ട്ടു​ണ്ടെ​ന്നും എ​ന്തു​കൊ​ണ്ടാ​ണ് ഇ​ത്ത​ര​ത്തി​ൽ സം​ഭ​വി​ക്കു​ന്ന​തെ​ന്ന് പ​രി​ശോ​ധി​ക്കു​മെ​ന്നും സ​മി​തി അം​ഗം പ​റ​ഞ്ഞു. ന്യൂ​ന​പ​ക്ഷ പ​ദ​വി​യു​ള്ള​തി​നാ​ൽ ജെ.​എം.​എ​യി​ലും എം.​എ.​യു​വി​ലും അ​വ​രു​ടേ​താ​യ സം​വ​ര​ണ​ന​യ​മു​ണ്ട്. ഒ​രോ വി​ഭാ​ഗ​ത്തി​ലും നി​ശ്ചി​ത ശ​ത​മാ​നം മു​സ്‍ലിം സം​വ​ര​ണം ഉ​ണ്ടെ​ന്ന​ല്ലാ​തെ അ​തി​ൽ മു​സ്‍ലിം പി​ന്നാ​ക്ക വി​ഭാ​ഗ​ത്തി​ൽ​പ്പെ​ട്ട​വ​ർ​ക്ക് ക്വോ​ട്ട നി​ശ്ച​യി​ച്ചി​ട്ടി​ല്ല. പി​ന്നാ​ക്ക വി​ഭാ​ഗ​ത്തി​ൽ​പ്പെ​ട്ട മു​സ്‍ലിം​ക​ൾ​ക്ക് എ​ന്തു​കൊ​ണ്ട് സം​വ​ര​ണം ന​ൽ​കി​ക്കൂ​ടാ എ​ന്നും സ​മി​തി അം​ഗം ചോ​ദി​ച്ചു. എ.​എം.​യു ന​ട​ത്തു​ന്ന സ്കൂ​ളു​ക​ളി​ൽ പ​ഠി​ച്ച വി​ദ്യാ​ർ​ഥി​ക​ൾ​ക്കാ​യി സം​വ​ര​ണം ചെ​യ്തി​രി​ക്കു​ന്ന ​​ക്വോ​ട്ട ഒ​ഴി​കെ, പ്ര​വേ​ശ​ന​ത്തി​നോ ജോ​ലി​ക്കോ മ​റ്റു സം​വ​ര​ണ ന​യ​ങ്ങ​ൾ സ്ഥാ​പ​ന​ത്തി​നി​ല്ല.