ദേശീയപാത തകർച്ച; തു​റ​ന്നു​സ​മ്മ​തി​ച്ച് ദേ​ശീ​യ​പാ​ത അ​തോ​റി​റ്റി

ന്യൂ​ഡ​ൽ​ഹി: മലപ്പുറം കൂ​രി​യാ​ട് ദേ​ശീ​യ​പാ​ത 66 നി​ർ​മാ​ണ​ത്തി​ലും രൂ​പ​രേ​ഖ​യി​ലും പാ​ളി​ച്ച​യു​ണ്ടാ​യെ​ന്ന് തു​റ​ന്നു​സ​മ്മ​തി​ച്ച് ദേ​ശീ​യ​പാ​ത അ​തോ​റി​റ്റി (എ​ൻ.​എ​ച്ച്.​എ.​ഐ). പാ​ത നി​ർ​മാ​ണ​ത്തി​ന് ക​രാ​റെ​ടു​ത്ത ക​മ്പ​നി​ക​ൾ 40 ശ​ത​മാ​നം വ​രെ തു​ക കു​റ​ച്ചാ​ണ് ഉ​പ​ക​രാ​റു​ക​ൾ ന​ല്‍കി​യ​തെ​ന്നും എ​ൻ.​എ​ച്ച്.​എ.​ഐ അ​ധി​കൃ​ത​ർ പാ​ർ​ല​മെ​ന്റ് പ​ബ്ലി​ക് അ​ക്കൗ​ണ്ട്സ് ക​മ്മി​റ്റി​ക്ക് (പി.​എ.​സി) മു​മ്പാ​​​കെ അ​റി​യി​ച്ചു. ഒ​രു കി​ലോ​മീ​റ്റ​ർ പാ​ത പൂ​ർ​ണ​മാ​യും പു​ന​ർ​നി​ർ​മി​ക്കേ​ണ്ടി​വ​രും. നി​ർ​മാ​ണ​ത്തി​ന് മു​ന്നോ​ടി​യാ​യി സ്ഥ​ല​ത്തെ മ​ണ്ണ് പ​രി​ശോ​ധ​ന ഫ​ല​പ്ര​ദ​മാ​യി ന​ട​ന്നി​ല്ല.

ക​രാ​ർ ഏ​റ്റെ​ടു​ത്ത കെ.​എ​ൻ.​ആ​ർ ക​ൺ​സ്ട്ര​ക്ഷ​ൻ​സി​ന് വ​ൻ വീ​ഴ്ച സം​ഭ​വി​ച്ചു.​എ​ൻ.​എ​ച്ച്.​എ.​ഐ ഉ​ന്ന​ത സം​ഘ​ത്തോ​ട് ദേ​ശീ​യ​പാ​ത 66 സ​ന്ദ​ർ​​ശി​ച്ച് മൂ​ന്നാ​ഴ്ച​ക്ക​കം റി​പ്പോ​ർ​ട്ട് ന​ൽ​കാ​ൻ പി.​എ.​സി ആ​വ​ശ്യ​പ്പെ​ട്ടു. ദേ​ശീ​യ​പാ​ത നി​ർ​മാ​ണ​ത്തി​ലെ ക​രാ​ർ, രൂ​പ​രേ​ഖ എ​ന്നി​വ സം​ബ​ന്ധി​ച്ച് ഓ​ഡി​റ്റ് ന​ട​ത്താ​ൻ കം​ട്രോ​ള​ർ ആ​ൻ​ഡ് ഓ​ഡി​റ്റ​ർ ജ​ന​റ​ലി​ന് (സി.​എ.​ജി) പി.​എ.​സി നി​ർ​ദേ​ശം ന​ൽ​കി. കെ.​സി. വേ​ണു​ഗോ​പാ​ൽ എം.​പി ചെ​യ​ർ​മാ​നാ​യ പി.​എ.​സി​യു​ടെ വ്യാ​ഴാ​ഴ്ച ചേ​ർ​ന്ന യോ​ഗ​ത്തി​ലേ​ക്ക് എ​ൻ.​എ​ച്ച്.​എ.​ഐ ഉ​ദ്യോ​ഗ​സ്ഥ​രെ വി​ളി​ച്ചു​വ​രു​ത്തി വി​ശ​ദീ​ക​ര​ണം തേ​ടു​ക​യാ​യി​രു​ന്നു.

എ​ൻ.​എ​ച്ച്.​എ.​ഐ അം​ഗീ​ക​രി​ച്ചി​ട്ടു​ള്ള എ​ൻ​ജി​നീ​യ​ർ​മാ​രു​മാ​യി ആ​ലോ​ചി​ച്ച് കാ​രാ​റു​കാ​രാ​ണ് ദേ​ശീ​യ​പാ​ത​യു​ടെ രൂ​പ​രേ​ഖ ത​യാ​റാ​ക്കു​ന്ന​ത്. ‌ഇ​തു​മാ​യി ബ​ന്ധ​പ്പെ​ട്ട് അ​വ​രു​ടെ ഭാ​​ഗ​ത്തു​നി​ന്നു​ള്ള പാ​ളി​ച്ച​ക​ൾ ​ഗു​രു​ത​ര​മാ​ണെ​ന്ന് ട്രാ​ൻ​സ്പോ​ർ​ട്ട് സെ​ക്ര​ട്ട​റി​യും ദേ​ശീ​യ​പാ​ത അ​തോ​റി​റ്റി ചെ​യ​ർ​മാ​ൻ സ​ന്തോ​ഷ് കു​മാ​ർ യാ​ദ​വും പി.​എ.​സി​യെ അ​റി​യി​ച്ചു. അ​ടു​ത്ത ദി​വ​സ​ങ്ങ​ളി​ൽ എ​ൻ.​എ​ച്ച്.​എ.​ഐ ചെ​യ​ർ​മാ​ൻ കേ​ര​ള​ത്തി​ലെ​ത്തി നി​ർ​മാ​ണ പ്ര​വ​ർ​ത്ത​ന​ങ്ങ​ൾ വി​ല​യി​രു​ത്തും. പാ​ല​ക്കാ​ട് ഐ.​ഐ.​ടി​യി​ൽ നി​ന്നു​ൾ​പ്പെ​ടെ മൂ​ന്നം​ഗ സാ​​​ങ്കേ​തി​ക വി​ദ​ഗ്ധ​രും പ​രി​ശോ​ധ​ന ന​ട​ത്തും.

അ​വ​രു​ടെ നി​ര്‍ദേ​ശ​മ​നു​സ​രി​ച്ച് ന​ട​പ​ടി സ്വീ​ക​രി​ക്കു​മെ​ന്നും എ​ൻ.​എ​ച്ച്.​എ.​ഐ പി.​എ.​സി​യെ അ​റി​യി​ച്ചു. മേ​യ് 19നാ​ണ് കോ​​ഴി​​ക്കോ​​ട് -തൃ​​ശൂ​​ര്‍ ദേ​​ശീ​​യ​​പാ​​ത​​യി​​ല്‍ കൊ​​ള​​പ്പു​​റ​​ത്തി​​നും കൂ​​രി​​യാ​​ട് പാ​​ല​​ത്തി​​നു​​മി​​ട​​യി​​ൽ റോ​ഡ് ത​ക​ർ​ന്ന​ത്. സം​ഭ​വ​ത്തി​ൽ കെ.​എ​ൻ.​ആ​ർ ക​ൺ​സ്ട്ര​ക്ഷ​നും ക​ൺ​സ​ൽ​ട്ട​ന്റാ​യ ഹൈ​വേ എ​ൻ​ജി​നീ​യ​റി​ങ് ക​മ്പ​നി​ക്കും ഉ​പ​രി​ത​ല ഗ​താ​ഗ​ത മ​ന്ത്രാ​ല​യം വി​ല​ക്കേ​ർ​പ്പെ​ടു​ത്തി​യി​രു​ന്നു.