ഗുജറാത്തിൽ ഇടയലേഖനം പുറപ്പെടുവിച്ച ആർച്​ ബിഷപിന്​ തെരഞ്ഞെടുപ്പ്​ കമീഷന്‍റെ നോട്ടീസ്​

ഗാ​ന്ധി​ന​ഗ​ർ: രാ​ജ്യ​ത്തെ ‘ദേ​ശീ​യ​വാ​ദി​ശ​ക്​​തി​ക​ളി​ൽ’നി​ന്ന്​ ര​ക്ഷി​ക്ക​ണ​മെ​ന്ന്​ ​ക്രി​സ്​​ത്യാ​നി​കളെ​ ആഹ്വാനം ചെയ്​ത ഗാ​ന്ധി​ന​ഗ​ർ അ​തി​രൂ​പ​ത ആ​ർ​ച്​ ബി​ഷ​പ്പിന്​ തെരഞ്ഞെടുപ്പ്​ കമീഷൻ നോട്ടീസ്​. ദേ​ശീ​യ​വാ​ദി​ശ​ക്​​തി​ക​ളി​ൽനി​ന്ന്​ രാജ്യത്തെ രക്ഷിക്കാൻ പ്രാർഥിക്കണമെന്ന്​ ആവർത്തിച്ച്​ പറയുന്ന ഇടയലേഖനം സംബന്ധിച്ച്​ വിശദീകരണം ആവശ്യപ്പെട്ടാണ്​ ആ​ർ​ച്​ ബി​ഷ​പ്​ തോ​മ​സ്​ മ​ക്​​വാ​ന്​ നോട്ടീസ്​ അയച്ചത്​. ‘ദേ​ശീ​യ​വാ​ദി​ശ​ക്​​തി​’ എന്നതുകൊണ്ട്​ ഉദ്ദേശിച്ചത്​ ഗുജറാത്ത്​ ഭരിക്കുന്ന ബി.ജെ.പിയെയാണ്​ എന്നാണ്​ സംസ്​ഥാന ​തെരഞ്ഞെടുപ്പ്​ കമീഷ​​െൻറ നിരീക്ഷണം. നവംബർ 21നാണ്​ ഇടയലേഖനം ബന്ധപ്പെട്ടവർക്ക്​ അയച്ചത്​. 

ഇതുസംബന്ധിച്ച മാധ്യമവാർത്തകളെ തുടർന്നാണ്​ നടപടിയെന്നും കത്തിനുപിന്നിലെ ഉദ്ദേശ്യത്തെക്കുറിച്ച്​ ആർച്​ ബിഷപ്പിനോട്​ വിശദീകരണം ചോദിച്ചിട്ടുണ്ടെന്നും ഗാന്ധിനഗർ ജില്ല കലക്​ടറും ജില്ല തെരഞ്ഞെടുപ്പ്​ ഒാഫിസറുമായ സതീഷ്​ പ​േട്ടൽ പറഞ്ഞു. ‘ന്യൂനപക്ഷ ​േവാട്ടർമാരിൽ ആശയക്കുഴപ്പം സൃഷ്​ടിക്കുകയും തെറ്റിദ്ധരിപ്പിക്കുകയുമാണ്​ ആർച്​ ബിഷപ്പി​​െൻറ ലക്ഷ്യം. വിശദീകരണം നൽകാൻ അദ്ദേഹത്തിന്​ ഏതാനും ദിവസം സമയം നൽകിയിട്ടുണ്ട്​. അതിനുശേഷം തുടർനടപടി തീരുമാനിക്കും’-കലക്​ടർ പറഞ്ഞു. 

അതേസമയം, ത​​െൻറ ആഹ്വാനം ഏതെങ്കിലും പാർട്ടിക്ക്​ എതിരല്ലെന്ന്​ ആർച്​ ബിഷപ്​ വ്യക്​തമാക്കി. ഭരണഘടന മൂല്യങ്ങളെ ആദരിക്കുകയും കൂടുതൽ മതേതര സമീപനം സ്വീകരിക്കുകയും ചെയ്യുന്നവർക്ക്​ വോട്ടുചെയ്യണമെന്നാണ്​ അഭ്യർഥിച്ചതെന്നും അദ്ദേഹം വിശദീകരിച്ചു. ഇത്തരം ആഹ്വാനങ്ങൾ ഇതിനുമുമ്പും തെരഞ്ഞെടുപ്പ്​ സമയത്ത്​ നടത്തിയിട്ടുണ്ടെന്ന്​ പറഞ്ഞ അദ്ദേഹം, ഇതിൽ രാഷ്​ട്രീയമി​ല്ലെന്ന്​ കൂട്ടിച്ചേർത്തു.

രാ​ജ്യ​ത്തി​​െൻറ ജ​നാ​ധി​പ​ത്യ​സ്വ​ഭാ​വം ഭീ​ഷ​ണി നേ​രി​ടു​ക​യാ​ണെ​ന്നും ന്യൂ​ന​പ​ക്ഷ​ങ്ങ​ൾ​ക്കി​ട​യി​ൽ അ​ര​ക്ഷി​ത​ബോ​ധം വ​ള​രു​ക​യാ​ണെ​ന്നും തോ​മ​സ്​ മ​ക്​​വാ​ൻ ഇടയലേഖനത്തിൽ അ​ഭി​പ്രാ​യ​പ്പെ​ട്ടിരുന്നു. ‘‘ദേ​ശീ​യ​വാ​ദി​ശ​ക്​​തി​ക​ൾ രാ​ജ്യ​ത്തെ വി​ഴു​ങ്ങു​ന്ന​തി​​െൻറ വ​ക്കി​ലാ​ണ്. അ​തു​കൊ​ണ്ടു​ത​ന്നെ ഗു​ജ​റാ​ത്ത്​ തെ​ര​ഞ്ഞെ​ടു​പ്പ്​ ഫ​ലം നി​ർ​ണാ​യ​ക​മാ​ണ്. അ​തി​​െൻറ പ്ര​ത്യാ​ഘാ​ത​ങ്ങ​ളും പ്ര​ക​മ്പ​ന​ങ്ങ​ളും രാ​ജ്യം മു​ഴു​വ​നു​മു​ണ്ടാ​കും’’^അദ്ദേഹം പറഞ്ഞു. ബി.​ജെ.​പി​യെ പ​രോ​ക്ഷ​മാ​യി ല​ക്ഷ്യം​വെ​ച്ചു​ള്ള ഇ​ട​യ​ലേ​ഖ​നത്തിൽ ഗു​ജ​റാ​ത്ത്​ നിയമസഭതെരഞ്ഞെടുപ്പിൽ വി​വേ​ച​ന​മി​ല്ലാ​തെ എ​ല്ലാ മ​നു​ഷ്യ​രെ​യും ആ​ദ​രി​ക്കു​ന്ന സ്​​ഥാ​നാ​ർ​ഥി​ക​ളെ വി​ജ​യി​പ്പി​ക്കാ​ൻ അ​ദ്ദേ​ഹം ആ​ഹ്വാ​നം നടത്തുകയും ചെ​യ്​​തു. ഗുജറാത്തിലെ ജനസംഖ്യയിൽ 0.51 ശതമാനമാണ്​ ക്രിസ്​ത്യാനികൾ.